अभयपुर सहरको ऐतिहासिक भैरव–कुमारी जात्राको तयारीमा रङ्गरोगन।
दोलखाको /ऐतिहासिक अभयपुर सहरमा पुस्तौँदेखि चलिआएको मौलिक संस्कृति, परम्परा र धार्मिक आस्थासँग जोडिएको भैरव–कुमारी जात्रा यस वर्ष पनि विशेष उत्साहका साथ मनाइँदैछ।
आगामी गाई जात्राको भोलिपल्टदेखि पाँच दिनसम्म सञ्चालन हुने भैरव–कुमारी जात्राका लागि कुमारी छैँमा रङ्गरोगन तथा सिँगार–सजावट गरिएको छ। काठमाडौँ भ्याली सर्भिसिङ प्रा.लि.का युवा समाजसेवी प्रोप्राइटर मनोज चाकुबजीको आर्थिक सहयोगमा गरिएको यस कार्यले हाम्रो ऐतिहासिक सम्पदा र मौलिक संस्कृतिको संरक्षणमा महत्वपूर्ण योगदान पुर्याएको छ।
भैरव–कुमारी जात्रा केवल एउटा पर्व मात्र होइन, यो अभयपुरको इतिहास, आस्था, संस्कृति र पुस्तौँदेखिको परम्पराको जीवन्त धरोहर हो। यस्ता मौलिक जात्रा तथा सम्पदाको संरक्षणमा सबैको साथ, सहयोग र सहभागिता आवश्यक छ।
