धर्मनिरपेक्षताको अर्थ बुझेनौ कि ?

धर्मनिरपेक्षता मुलुकमा पूजा गर्न नै नपाइने हो त ? धर्मनिरपेक्षता भनेको नास्तिक हुनु भनेको हो त ? त्यस्तो पटक्कै होइन । धर्मनिरपेक्षतामा आफ्नो आस्था अनुसार पूजा गर्न पाइ हाल्छ नि । धर्मनिरपेक्षतामा राज्य, धर्मको सन्दर्भमा तटस्थ हुनुपर्‍यो भनेको मात्र हो । राज्यले कुनै धर्म राम्रो,  अरू धर्म खराब भनी दिनु भएन । कुनै नेता तथा मन्त्रीले पूजा गर्छन् भने उनको आस्थाको विषय होला । किन अनावश्यक टीकाटिप्पणी गरिरहनु पर्‍यो । कुनै कम्युनिस्ट नेताले पूजा गर्छ भने त्यो टिप्पणीको विषय हुन सक्ला । तर धर्मनिरपेक्ष मुलुकको नागरिकले पूजा गर्छ भने त्यो टिप्पणी, अनावश्यक हो जस्ता लाग्छ ।