-महेन्द्र श्रेष्ठ
०८ माघ २०८१, दोलखा । नेकपा एमाले, दोलखा जिल्ला कमिटीको पाचौँ बैठकले तय गरेका ‘ वडास्तरीय ३ महिने अभियान´ र `समृद्ध दोलखा, सुखी दोलखाली´ अभियानको कार्ययोजनालाई प्रभावकारी ढड्गले परिचालन गर्ने निर्णय गर्दै नेकपा एमाले जिल्ला कमिटी दोलखाको सचिवालयको दोस्रो बैठक मिति २०८१ साल माघ ७ गते सम्पन्न भयो ।
बैठकले नेकपा एमालेले सम्पन्न गरेको मध्यपहाडी लोक मार्ग केन्द्रित समृद्धि यात्राको क्रममा र सर्वदलीय राजनीतिक नेतृत्वबाट सम्माननीय प्रधानमन्त्री तथा नेकपा एमालेका श्रद्धेय अध्यक्ष केपी शर्मा ओली समक्ष पेश गरिएको मागहरुमध्ये चीन र भारत जोड्ने त्रिदेशीय उत्तर-दक्षिण लोकमार्ग (लामाबगर-भिट्टामोड)लाई राष्ट्रिय गौरवको योजनामा समावेश गरी बजेट विनियोजन गरेकोमा नेपाल सरकारलाई हार्दिक धन्यवाद व्यक्त गरेको छ ।
बैठकले पार्टीको केन्द्रले घोषणा गरेका तीन महिने वडा केन्द्रित अभियानमा केन्द्र, प्रदेश, जिल्ला र पालिकास्तरका नेताहरू वडामा नै केन्द्रित हुने निर्णय गरेको छ ।माघ महिना भित्र पालिकाकाको बैठक सम्पन्न गरी वडा तहको कमिटी परिचालन गर्ने निर्णय गरेको छ । अभियानको क्रममा वडास्तरीय कामको कार्ययोजना निर्माण, टोल कमिटी गठन, सदस्यता नवीकरण र सदस्यता विस्तारको अभियान थालनी, समृद्धिको खाकाको तयारी, युवा पुस्तालाई संगठित गर्दै प्रशिक्षणका नवीतम विधिहरूबाट प्रशिक्षण सञ्चालन गरेर अभियान पूरा गरिनेछ । सचिवालय बैठकमा नेकपा एमाले दोलअखा जिल्ला कमिटीको पाचौँ बैठकले पारित गरेको 19 बुँदे समृद्ध दोलखा विकासको अठोटलाई कार्यान्वयन गर्न पहल थाल्ने प्रतिबद्धता जाहेर भयो । बै
ठकमा नेकपा एमालेका पोलिटब्युरो सदस्य तथा दोलखा जिल्ला इन्चार्ज कमरेड पार्वत गुरूङको प्रमुख आतिथ्यता रहेको थियो । जिल्ला अध्यक्ष कमरेड नरबहादुर श्रेष्ठको अध्यक्षतामा भएको बैठकमा दोलखाबाट प्रतिनिधित्व गर्ने बागमती प्रदेश कमिटीका सदस्यहरू र जिल्ला कमिटी सचिवालय सदस्यहरूले सुझाव दिनु भएको थियो ।
