२९ माघ २०८१, दोलखा – दोलखाको बैतेश्वर गाउँपालिकामा सोमबार एक महिलामाथि खुकुरीले आक्रमण गर्ने प्रयास भएको छ। पारिवारिक अंशबण्डा सम्बन्धी विवादका कारण स्थानीय शिक्षिका उषा तामाङमाथि यो हमला गरिएको हो।
उषा तामाङ, जो बैतेश्वर माध्यमिक विद्यालयमा शिक्षिका कार्यरत छिन्, सोमबार विद्यालय नजिकै खुकुरी प्रहारको शिकार हुन लागेको खवर प्राप्त भएको छ। स्थानीयले समयमै हस्तक्षेप गरेर उनको ज्यान बचाएका थिए।
पक्राउ पर्ने व्यक्तिको नाम सुन्दर अधिकारी रहेको जानकारी प्राप्त भएको छ। उनी भीमेश्वर नगरपालिका-५ का स्थायी निवासी हुन् र तामाङका आफन्त रहेका छन्।
जिल्ला प्रहरी कार्यालय दोलखाका इन्सपेक्टर दाताराम अधिकारीका अनुसार “खुकुरी आक्रमणको बारेमा प्रहरीमा उजुरी दर्ता भएको छ र आरोपीलाइ पक्राउ गरेर थप अनुसन्धान गरी यसलाई कानुनी प्रक्रियामा अघि बढाइनेछ । अंशबण्डाको विषयमा पारिवारिक विवादका कारण यो आक्रमण भएको देखिन्छ ।” यो विवाद हाल अदालतमा विचाराधीन रहेको पनि उहाँले जनाउनुभएको छ।
