हिजोदेखि सुरु भएको नेकपा (एमाले) पोलिटब्युरोको चौथो बैठक आज सफलतापूर्वक सम्पन्न भयो। बैठकले सचिवालयद्वारा प्रस्तुत विधान संशोधन प्रस्तावलाई सर्वसम्मतरूपमा स्वीकृत गर्दै, उक्त प्रस्ताव साउन ५ गते बस्ने केन्द्रीय कमिटीको बैठकमा छलफलका लागि पेश गरिने निर्णय गरेको छ।
प्रस्तावप्रति छैसठ्ठी जना सदस्यहरूले समर्थन जनाउँदै व्यक्त गरेका मूल्यवान सुझावहरूले पार्टीको आन्तरिक लोकतन्त्र र वैचारिक स्पष्टताप्रतिको दृढ प्रतिबद्धता उजागर गरेका छन्। प्रधानमन्त्री तथा पार्टी अध्यक्ष केपी शर्मा ओलीले पार्टी जीवनको लोकतान्त्रीकरणलाई समग्रतामा कसरी बुझ्नुपर्छ भन्ने विषय स्पष्ट पार्नुभयो।
बैठकले विधान महाधिवेशन र दशौँ राष्ट्रिय महाधिवेशनबारे फैलाइएको भ्रामक प्रचारलाई खारेज गर्दै, पार्टीलाई भावनात्मक एकता र दृढ सङ्कल्पका साथ अघि बढाउने प्रतिबद्धता व्यक्त गऱ्यो।
यो खबर पढेर तपाईलाई कस्तो महसुस भयो ?
+1
1
+1
+1
+1
+1
+1
+1
