दोलखा, १५ कार्तिक २०८२ – भीमेश्वर मन्दिरमा दर्शनको क्रममा केही दर्शनार्थीहरूले आफ्नो व्यक्तिगत सामान बिर्सेर जानु भएका घटनाहरू फेरि प्रकाशमा आएका छन्। यसैबीच, काभ्रेपलाञ्चोक जिल्ला, बनेपा नगरपालिका वडा नं ३ बस्ने आकाश दाहालले मन्दिर परिसरमा छोडेको सिमबिनाको नोकिया मोबाइल थान एक र छालाको कालो ज्याकेट मन्दिर व्यवस्थापन समितिले सुरक्षित रुपमा फिर्ता गरेको छ।
मन्दिर व्यवस्थापन समितिका सचिव श्री राजेन्द्र नारायण श्रेष्ठका अनुसार, “आज मिति २०८२ साल कार्तिक १५ गते शनिबार ११:३० बजे उक्त मोबाइल र ज्याकेट मन्दिर प्रशासनबाट सुरक्षित रूपमा आकाश दाहाललाई हस्तान्तरण गरिएको छ।”
सचिव श्रेष्ठले यस अवसरमा दर्शनार्थीहरूलाई विशेष अनुरोध गर्दै भनेका छन् कि मन्दिर परिसरमा दर्शन गर्ने क्रममा आफ्नो सामान बिर्सेर जानुहुने हो भने तत्काल मन्दिरको सम्पर्क नम्बर ९८५४०२४७१८ मा सम्पर्क गर्नुहोला।
भीमेश्वर गुठी व्यवस्थापन समितिले प्राचिन शहर दोलखामा दर्शनार्थीहरूको सुविधा र सुरक्षा सुनिश्चित गर्न निरन्तर ध्यान दिइरहेको जनाएको छ। समितिले भविष्यमा पनि सम्पर्कमा रहेका सबै सामान सुरक्षित रूपमा सम्बन्धित व्यक्तिलाई फिर्ता गर्ने प्रतिबद्धता जनाएको छ।
यस घटनाले दर्शनार्थीहरूलाई आफ्नो सामानको जिम्मेवारीमा सचेत रहन प्रेरित गर्ने विश्वास गरिएको छ भने मन्दिर व्यवस्थापनले पनि नागरिक सुविधामा निरन्तर सुधार गर्दै आएको जनाएको छ।
