दोलखा, मंसिर २३।
भीमेश्वर नगरपालिका–२ ले आफ्नो नयाँ वडा कार्यालय भवन सार्वजनिक रूपमा उद्घाटन गर्न लागेको छ। आगामी मंसिर २५ गते हुने उद्घाटन कार्यक्रममा नगर प्रमुख ईश्वर नारायण मानन्धर र नगर उप–प्रमुख कमला बस्नेत लगायत स्थानीय प्रतिनिधिहरूको सहभागिता रहनेछ।
विशेष कुरा के छ भने, नयाँ भवन त आधुनिक सेवासुविधासहित बनेको भए पनि, यसको उद्घाटन पुरानै वडा कार्यालय रहेको ऐतिहासिक स्थानमै गरिँदैछ। पुरानो ठाउँ, पुरानै वातावरण र समुदायको लामो इतिहास बोकेको स्थानमा कार्यक्रम राखिएको भन्दै वडा अध्यक्ष स्टालिन श्रेष्ठले यसलाई “हाम्रो पहिचान र इतिहासलाई सम्मान गर्ने प्रयास” भनेका छन्।
श्रेष्ठले पुरानो शैलीमा आफ्नो भनाइ राख्दै समुदायलाई एकताबद्ध रूपमा अघि बढ्न आग्रह गर्दै भने—
“हाम्रो इतिहास यही ठाउँमै लेखिएको हो। यो ठाउँमा बसेर नै हामीले धेरै योजना बनायौँ, विकासका सपना बुनेर अघि बढ्यौँ। नयाँ भवन बने पनि हाम्रो भावनात्मक जरा यही पुरानो वडामा छ।”
उहाले नयाँ संरचना सेवा प्रवाहका लागि सुविधा सम्पन्न भए पनि पुरानो भवन रहेको स्थान नै स्थानीय स्मृति र सांस्कृतिक निरन्तरता बोकेको बताए।
स्थानीयवासीले पनि पुरानो स्थानमै आयोजना गरिएको उद्घाटनले “समुदायको इतिहासप्रतिको सम्मान” झल्किएको बताएका छन्।
