दोलखा, चरिकोट — दोलखा सदरमुकाम चरिकोटको मुख्य चोकमा फुटपाथ मात्र नभई सडक नै अवरुद्ध हुने गरी राखिएका फलफूल तथा तरकारी पसल हटाइएको छ। सडक सुरक्षालाई ख्याल गर्दै गरिएको यस अभियानमा दोलखा ट्राफिक कार्यालयका प्रमुख ठाकुर भट्टराईको नेतृत्वमा ट्राफिक टोलीले विशेष भूमिका खेलेको छ। सडक अतिक्रमणका कारण सवारी सञ्चालनमा समस्या हुनुका साथै कुनै पनि बेला दुर्घटना हुनसक्ने अवस्था सिर्जना भएको थियो। सो अवस्थालाई गम्भीर रूपमा लिएर पहल गरेका प्रमुख जिल्ला अधिकारी शिवराम गेलालप्रति समेत स्थानीयले आभार व्यक्त गरेका छन्। यस अभियानले चरिकोट बजार क्षेत्रमा सवारी आवागमनलाई सहज बनाउनुका साथै सार्वजनिक सुरक्षालाई प्राथमिकता दिएको स्पष्ट भएको छ। समयमै अतिक्रमण नहटाइएको भए, कुनै…
