विशेष अदालतको आदेश : विष्णु पौडेललाई साधारण तारिख, हालसम्म प्रमाण नपुगेको निष्कर्ष महेन्द्र श्रेष्ठ काठमाडौं। एमाले उपाध्यक्ष तथा पूर्वअर्थमन्त्री विष्णु पौडेलविरुद्ध दायर गरिएको सम्पत्ति शुद्धीकरण मुद्दामा विशेष अदालतले हालसम्म प्रस्तुत भएका प्रमाणका आधारमा उहाँलाई कसुरमा संलग्न देखिने पर्याप्त आधार नरहेको उल्लेख गर्दै साधारण तारिखमा राख्ने आदेश दिएको छ। यस मुद्दामा अभियोजन पक्षले २० करोड ९० लाख रुपैयाँ बिगो दाबी गर्दै थप सजायको माग गरेको थियो। तर अदालतले अनुसन्धानबाट संकलित कागजात, बयान तथा अन्य प्रमाणहरूको अध्ययनपछि तत्कालका लागि पौडेललाई कसुरमा संलग्न देखाउने पर्याप्त आधार स्थापित नभएको निष्कर्ष निकालेको हो। अदालतको आदेशअनुसार मुख्य प्रतिवादी दीपक भट्टले अनुसन्धानका क्रममा वा अदालतमा दिएको कुनै…
