अर्थ

जिल्लाकै जेठो गौरीशंकर क्याम्पसद्वारा विपद् कोषमा ७५ हजार बढी सहयोग। दोलखा / प्राकृतिक विपत्तिबाट प्रभावित नागरिकको राहत तथा उद्धारमा सहयोग पुर्‍याउने उद्देश्यले दोलखाको चरीकोटस्थित गौरीशंकर बहुमुखी क्याम्पसले ७५ हजार रुपैयाँभन्दा बढी आर्थिक सहयोग गरेको छ। दोलखाकै जेठो तथा प्रतिष्ठित शैक्षिक संस्थाका रूपमा रहेको क्याम्पसका प्राध्यापक, कर्मचारी र विद्यार्थीहरूको स्वेच्छिक योगदानबाट ७५ हजार २ सय ७७ रुपैयाँ ७३ पैसा संकलन भएको हो। उक्त रकम प्रधानमन्त्री दैवी प्रकोप उद्धार कोषमा जम्मा गरिएको क्याम्पसका निमित्त क्याम्पस प्रमुख बालकृष्ण फुयालले जानकारी दिए। संकलित रकममध्ये क्याम्पसका प्राध्यापक तथा कर्मचारीबाट ५८ हजार ३ सय १२ रुपैयाँ ७३ पैसा, एमबीएस तेस्रो सेमेस्टरका विद्यार्थीबाट ८ हजार ४ सय…

जहाँ दुःख, त्यहाँ रेडक्रस : रसुवा बाढीपीडितका लागि सिन्धुलीबाट ४ लाख ५३ हजार सहयोग। सिन्धुली । ‘जहाँ दुःख, त्यहाँ रेडक्रस’ भन्ने मानवीय सेवाको भावनालाई आत्मसात् गर्दै नेपाल रेडक्रस सोसाइटी सिन्धुलीले रसुवाका बाढीपहिरो प्रभावित नागरिकका लागि ४ लाख ५३ हजार २२९ रुपैयाँ राहत सहयोग गरेको छ। भदौ १० गते रसुवाको भोटेकोशी क्षेत्रमा आएको भीषण बाढीपहिरोबाट प्रभावित परिवारको राहत तथा उद्धारमा सहयोग पुर्‍याउने उद्देश्यले सिन्धुली रेडक्रसका विभिन्न समिति, उपसमिति, पालिका तथा उपशाखामार्फत उक्त रकम संकलन गरिएको हो। संकलित रकम प्रधानमन्त्री दैवी प्रकोप उद्धार कोषमा जम्मा गरी बैंक भौचर जिल्ला प्रशासन कार्यालय सिन्धुलीमा प्रमुख जिल्ला अधिकारी स्कृम श्रेष्ठलाई हस्तान्तरण गरिएको छ। रकम ग्रहण…

बाढीपीडितको राहतका लागि सिन्धुलीका सामुदायिक वन समूहको ९ लाख बढी सहयोग। सिन्धुली, २०८३ भदौ । २०८३ साल भदौ १० गते नुवाकोट र रसुवा जिल्लामा आएको विनाशकारी बाढीबाट प्रभावित नागरिकको राहत तथा उद्धार कार्यमा सहयोग पुर्‍याउने उद्देश्यले सिन्धुलीका सामुदायिक वन उपभोक्ता समूहहरूले आर्थिक सहयोग गरेका छन्। सामुदायिक वन उपभोक्ता महासंघ नेपाल, जिल्ला महासंघ सिन्धुलीको समन्वयमा सिन्धुली जिल्लाका विभिन्न सामुदायिक वन उपभोक्ता समूहबाट स्वेच्छिक रूपमा संकलन गरिएको रु. ९ लाख २९ हजार ३ सय ५६ प्रधानमन्त्री दैवी प्रकोप उद्धार कोषमा जम्मा गरिएको हो। नुवाकोट र रसुवा जिल्लामा २०८३ भदौ १० गते आएको बाढीका कारण जनधनमा क्षति पुगेपछि प्रभावित परिवारको राहत तथा उद्धारमा…

दोलखामा मासुको अस्वाभाविक मूल्यवृद्धिले होटल व्यवसायी मारमा। सम्बन्धित निकायको ध्यानाकर्षण गराउन होटल व्यवसायीको माग दोलखा । दोलखामा मासुको मूल्य अस्वाभाविक रूपमा वृद्धि भएपछि होटल तथा रेस्टुरेन्ट व्यवसायीहरू प्रत्यक्ष रूपमा प्रभावित भएका छन्। पछिल्लो समय मासुको मूल्य निरन्तर बढ्दै जाँदा होटल व्यवसाय सञ्चालनमा थप आर्थिक भार परेको व्यवसायीहरूको गुनासो छ। मासुको मूल्यवृद्धिका कारण होटल तथा रेस्टुरेन्टमा परिकारको लागत बढेको र त्यसको प्रत्यक्ष असर व्यवसायको आम्दानीमा परेको होटल व्यवसायीहरू बताउँछन्। मूल्यवृद्धि नियन्त्रण तथा बजारमा मासुको मूल्यमा एकरूपता कायम गर्न सम्बन्धित निकायले प्रभावकारी अनुगमन गर्नुपर्ने उनीहरूको माग छ। होटल व्यवसायी अध्यक्ष कुमार श्रेष्ठले मासुको मूल्य अस्वाभाविक रूपमा बढ्दा होटल व्यवसायीहरूलाई प्रत्यक्ष असर परेको…

दोलखाको पर्यटन विकाससँगै प्रदेशको प्रमुख केन्द्र बनाउने अभियानमा होटल व्यवसायी। महेन्द्र श्रेष्ठ दोलखा, भदौ १८ । दोलखाको पर्यटन सम्भावनालाई उजागर गर्दै जिल्लालाई बागमती प्रदेशकै प्रमुख पर्यटकीय केन्द्रका रूपमा स्थापित गर्ने लक्ष्यसहित दोलखा जिल्ला होटल तथा पर्यटन व्यवसायी संघको पाँचौँ वार्षिक साधारण सभा सम्पन्न भएको छ। भीमेश्वर नगरपालिका–चरिकोटमा सम्पन्न साधारण सभामा होटल तथा पर्यटन व्यवसायी, संघका पदाधिकारी तथा सदस्य, स्थानीय जनप्रतिनिधि, पर्यटन क्षेत्रका सरोकारवाला र विभिन्न संघसंस्थाका प्रतिनिधिको सहभागिता रहेको थियो।   साधारण सभाले दोलखाको पर्यटनलाई थप व्यवस्थित र व्यवसायिक बनाउँदै जिल्लाको आर्थिक समृद्धिसँग जोड्ने विषयलाई प्राथमिकतामा राखेको छ। साथै दोलखालाई बागमती प्रदेशको पर्यटनको प्रमुख केन्द्रका रूपमा विकास गर्दै दीर्घकालीन रूपमा…

बाढीपीडितको पीडामा मङ्गला अमात्यको ठूलो सहारा, प्रधानमन्त्री राहत कोषमा १ करोड ८ लाख सहयोग। शंख ध्वनि सम्बाद दाता काठमाडौं । विपद्का बेला मानवता नै सबैभन्दा ठूलो धर्म हो भन्ने उदाहरण प्रस्तुत गर्दै काठमाडौंको छाउनी निवासी मङ्गला अमात्यले प्रधानमन्त्री राहत कोषमा १ करोड ८ लाख रुपैयाँ सहयोग गरेकी छन्। भदौ १० गते भोटेकोसी र त्रिशूली नदीमा आएको विनाशकारी बाढीले ठूलो जनधनको क्षति पुर्‍याएको छ। बाढीका कारण कैयौँ परिवारले घरबार, सम्पत्ति र जीवनयापनका आधार गुमाएका छन्। धेरै नागरिक विस्थापित भएर पीडा, अभाव र अनिश्चितताको सामना गरिरहेका छन्। यस्तो दुःखद् र संवेदनशील अवस्थामा अमात्यले आफ्नो व्यक्तिगत तर्फबाट गरेको १ करोड ८ लाख रुपैयाँको सहयोग…

२४ जनसंगठनका प्रदेश प्रतिनिधि सहभागी कार्यशाला नगरकोटमा। नगरकोट / नेकपा (एमाले) बागमती प्रदेश संगठन कमिटीअन्तर्गतको जनसंगठन समन्वय संयन्त्रको आयोजनामा जनसंगठनसम्बन्धी कार्यशाला नगरकोटमा सम्पन्न भएको छ। बागमती प्रदेशअन्तर्गत रहेका विभिन्न जनसंगठनहरूको संगठनात्मक अवस्था, समन्वय, आगामी कार्यदिशा तथा जनसरोकारका विषयमा छलफल गर्ने उद्देश्यले कार्यशाला आयोजना गरिएको हो। कार्यशालामा बागमती प्रदेशअन्तर्गतका १० जिल्लाबाट २४ वटा जनसंगठनका प्रतिनिधिहरूको सहभागिता रहेको थियो। कार्यक्रममा सहभागीहरूले आ–आफ्ना जनसंगठनको वर्तमान अवस्था, संगठन विस्तारका क्रममा देखिएका समस्या, सदस्यता विस्तार, जनतासँगको सम्बन्ध तथा आगामी कार्यक्रमका विषयमा धारणा राखेका थिए। कार्यशालालाई सम्बोधन गर्दै नेताहरूले पार्टीका जनसंगठनहरूलाई थप व्यवस्थित, सक्रिय र जनमुखी बनाउनुपर्नेमा जोड दिएका थिए। जनसंगठनहरू पार्टी र जनताबीचको महत्वपूर्ण सेतु…

अनेमसंघ दोलखाको ९औँ पूर्ण बैठक : संगठन सुदृढीकरणसँगै महिला सशक्तीकरणमा जोड। दोलखा । अखिल नेपाल महिला संघ (अनेमसंघ) दोलखाको ९औँ पूर्ण बैठक संगठनका आगामी गतिविधि र महिला सशक्तीकरणका महत्वपूर्ण विषयमा छलफल गर्दै सम्पन्न भएको छ। अनेमसंघ दोलखाका अध्यक्ष मेनुका सुवेदीको अध्यक्षतामा सम्पन्न बैठकमा अनेमसंघ स्थायी कमिटी सदस्य शारदा राना प्रमुख अतिथिका रूपमा सहभागी हुनुभएको थियो। कार्यक्रममा अनेमसंघ केन्द्रीय सदस्यहरू उर्मिला थामी, शान्तिकुमारी तामाङ र कालिका पाठकको विशेष उपस्थिति रहेको थियो। बैठकमा बागमती प्रदेश सचिवालय सदस्य गोमा केसी र मैना नेपाली, नेकपा (एमाले) दोलखाकी उपसचिव तथा भीमेश्वर नगरपालिकाकी उपप्रमुख कमला बस्नेत, अनेमसंघ पूर्व बागमती प्रदेश कमिटी सदस्य पार्वती खड्का, जिल्ला सल्लाहकार…

सहकारी क्षेत्रका समस्या र सम्भावनाबारे भीमेश्वर–२ मा छलफल। दोलखा । भीमेश्वर नगरपालिका–२ मा सहकारी क्षेत्रका समस्या, चुनौती तथा आगामी कार्यदिशाबारे सरोकारवालाबीच छलफल तथा अन्तरक्रिया कार्यक्रम सम्पन्न भएको छ। भीमेश्वर बचत तथा ऋण सहकारी संस्थाको आयोजनामा भएको कार्यक्रममा भीमेश्वर नगरपालिका–२ का वडा अध्यक्ष स्टालिन श्रेष्ठ प्रमुख अतिथि तथा भीमेश्वर बचत तथा ऋण सहकारी संस्थाका अध्यक्ष रमेश चाकुभजीको अध्यक्षता रहेको थियो। कार्यक्रममा जिल्ला बचत तथा ऋण सहकारी संघका वरिष्ठ उपाध्यक्ष जगतप्रसाद सुवेदीसहित विभिन्न बचत तथा ऋण सहकारी संस्था तथा कृषि सहकारीका अध्यक्ष, व्यवस्थापक, सचिवलगायत प्रतिनिधिहरूको सहभागिता रहेको थियो। कार्यक्रममा सहभागीहरूले सहकारी संस्थाले भोगिरहेका समस्या, बचत तथा ऋण कारोबारमा देखिएका चुनौती, कृषि सहकारीको…

वर्षौंदेखि अलपत्र ढुङ्ग्रेवास पुलः धुरा बजार–ढुङ्ग्रेवास सडकमा स्थानीयको सास्ती, सुरु भएको निर्माण पनि फेरि रोकियो द्वारिका काफ्ले सिन्धुली सिन्धुली जिल्लाको धुरा बजारबाट ढुङ्ग्रेवासतर्फ जाने अत्यन्त महत्वपूर्ण पुल वर्षौंदेखि जीर्ण र जोखिमपूर्ण अवस्थामा रहेको छ। स्थानीय बासिन्दाले लामो समयदेखि सुरक्षित पुल निर्माणको माग गर्दै आए पनि समस्या समाधान हुन सकेको छैन। यस वर्ष निर्माण कार्य सुरु भएपछि स्थानीयमा आशा पलाएको थियो, तर केही समयमै काम पुनः रोकिएपछि उनीहरू निराश बनेका छन्। धुरा बजार र ढुङ्ग्रेवासलाई जोड्ने यो पुल दैनिक रूपमा विद्यार्थी, किसान, व्यापारी, कर्मचारी तथा सर्वसाधारणले प्रयोग गर्ने प्रमुख आवागमनको माध्यम हो। पुलको अवस्था अत्यन्त कमजोर भएकाले सर्वसाधारण हरेक दिन जोखिम…