दोलखा, भदौ १४ –गाउँबाट शहर केन्द्रित भएका वडावासीहरूलाई सेवा प्रदान गर्न भीमेश्वर नगरपालिका–२ का जनप्रतिनिधि र कर्मचारी काठमाडौँ पुगेका छन्। गाउँमै पुगेर सेवा लिन कठिनाईमा परेका वडावासीलाई सुविधा पुर्याउन वडा अध्यक्ष स्टालीन श्रेष्ठ, वडा सचिव बिना श्रेष्ठ लगायतका कर्मचारी टोली काठमाडौँ आएर सेवा प्रवाह गरेका हुन्। वर्षाको समयमा विशेषगरी वृद्धवृद्धा तथा अशक्त नागरिकलाई गाउँसम्म पुगेर सामाजिक सुरक्षा भत्ता कार्ड नवीकरण लगायतका काम गर्न असहज हुने भएकाले राजधानीमै सेवा दिने निर्णय गरिएको वडा अध्यक्ष श्रेष्ठले जानकारी दिनुभयो। उहाँले भन्नुभयो, “भीमेश्वर नगरपालिकाका दुई वडाले राजधानीबाट सेवा प्रवाह गरिसकेका छन्, बाँकी वडामा पनि यो प्रक्रिया भइरहेको छ। काठमाडौँमा तीन दिनसम्म शिविर सञ्चालन हुनेछ।”…
