पुष्पलाल स्मृति दिवसमा पहिलो राष्ट्रिय पत्रकारिता पुरस्कार पत्रकार पौडेललाई शंख ध्वनि अनलाइन संवाददाता रामेछाप। नेपाल कम्युनिष्ट पार्टीका संस्थापक महासचिव पुष्पलाल श्रेष्ठको ४८औँ स्मृति दिवसको अवसरमा प्रेस चौतारी नेपाल रामेछापले स्थापना गरेको ‘पुष्पलाल स्मृति राष्ट्रिय पत्रकारिता पुरस्कार–२०८३’ पहिलो पटक पत्रकार तथा नेपाल प्रेसका प्रधान सम्पादक मात्रिका पौडेललाई प्रदान गरेको छ। बिहीबार मन्थलीमा आयोजित विशेष समारोहमा पौडेललाई नगद २५ हजार रुपैयाँ, दोसल्ला र प्रशंसापत्रसहित सम्मान गरिएको हो। सम्मान ग्रहणपछि उनले मुलुक जटिल राजनीतिक तथा सामाजिक परिस्थितिबाट गुज्रिरहेको उल्लेख गर्दै सत्य, तथ्य र जिम्मेवार पत्रकारिताको आवश्यकता झन् बढेको बताए। उनले नेपाली पत्रकारिता विभिन्न चुनौती र आत्म–नियन्त्रणको दबाबबीच पनि सत्यको पक्षमा दृढतापूर्वक अघि बढ्ने…
