दोलखा / भीमेश्वर —
महेन्द्र श्रेष्ठ
नेपालीहरूको दोस्रो महान् पर्व तिहार (दीपावली) तथा छठ पर्वको अवसरमा भीमेश्वर नगरपालिका उप–प्रमुख कमला बस्नेतको आयोजनामा भेटघाट तथा चियापान कार्यक्रम भव्य रूपमा सम्पन्न भएको छ। कार्यक्रम दोलखा जिल्लाको चरिकोटस्थित होटल लक्ष्मी लजमा हर्ष, उल्लास र सौहार्दपूर्ण वातावरणमा सम्पन्न भएको हो।
उक्त कार्यक्रममा बागमती प्रदेशका वन तथा वातावरण मन्त्री भरत बहादुर केसी, भीमेश्वर नगरपालिकाका प्रमुख, जिल्ला प्रशासन कार्यालयका प्रमुख जिल्ला अधिकारी, नेकपा (एमाले) जिल्ला पार्टी प्रमुख, नेपाली काँग्रेसका प्रतिनिधि, साथै जिल्लास्थित विभिन्न संघ–संस्था, सहकारी, पत्रकार, व्यापारी, बुद्धिजीवी र कर्मचारी वर्गको उल्लेखनीय उपस्थिति रहेको थियो।
कार्यक्रममा उपस्थित अतिथिहरूले तिहार र छठ पर्वले नेपाली समाजमा आपसी मेलमिलाप, सहकार्य र एकता बढाउने सन्देश दिने उल्लेख गर्दै उप–प्रमुख बस्नेतको पहलमा आयोजित भेटघाट कार्यक्रमले राजनीतिक दलहरूबीचको सौहार्द र सहकार्यको भावना सुदृढ बनाएको बताएका थिए।
उप–प्रमुख कमला बस्नेत, जो नेकपा (एमाले) जिल्ला कमिटीकी सह–सचिव समेत हुनुहुन्छ,ले कार्यक्रममा सम्बोधन गर्दै सबै सहभागीहरूलाई पर्वको शुभकामना दिँदै भनिन् –
“तिहार र छठले ल्याउने प्रेम, एकता र सामूहिक भावना हामी सबैले आत्मसात् गर्नुपर्छ। समाज र नगरको विकासका लागि सबै दल, समुदाय र वर्गबीच सहकार्य अत्यावश्यक छ।”
कार्यक्रमको संचालन भीमेश्वर नगर कमिटीका पुर्ब अध्यक्ष जिल्ला कमिटी सदस्य एबम सचिवालय सदस्य ज्ञानेन्द्र प्रधानले गर्नुभएको थियो। उहाँले सबै अतिथिहरूको स्वागत गर्दै कार्यक्रमको उद्देश्य र महत्वबारे जानकारी गराउनुभएको थियो।
भेटघाट तथा चियापान कार्यक्रमले स्थानीय राजनीतिक दलहरू, सरकारी निकाय, पत्रकारिता क्षेत्र र सर्वसाधारणबीचको आत्मीयता र सहयोगको सम्बन्धलाई अझ गहिरो बनाएको सहभागीहरूले बताएका छन्।
कार्यक्रमको अन्त्यमा उपस्थित सबैले आपसी शुभकामना आदान–प्रदान गर्दै तिहार र छठ पर्वको उल्लासपूर्ण उत्सवलाई सफलतापूर्वक सम्पन्न गर्ने संकल्प व्यक्त गरेका थिए। 🎉🇳🇵
