दोलखा / भीमेश्वर — महेन्द्र श्रेष्ठ नेपालीहरूको दोस्रो महान् पर्व तिहार (दीपावली) तथा छठ पर्वको अवसरमा भीमेश्वर नगरपालिका उप–प्रमुख कमला बस्नेतको आयोजनामा भेटघाट तथा चियापान कार्यक्रम भव्य रूपमा सम्पन्न भएको छ। कार्यक्रम दोलखा जिल्लाको चरिकोटस्थित होटल लक्ष्मी लजमा हर्ष, उल्लास र सौहार्दपूर्ण वातावरणमा सम्पन्न भएको हो। उक्त कार्यक्रममा बागमती प्रदेशका वन तथा वातावरण मन्त्री भरत बहादुर केसी, भीमेश्वर नगरपालिकाका प्रमुख, जिल्ला प्रशासन कार्यालयका प्रमुख जिल्ला अधिकारी, नेकपा (एमाले) जिल्ला पार्टी प्रमुख, नेपाली काँग्रेसका प्रतिनिधि, साथै जिल्लास्थित विभिन्न संघ–संस्था, सहकारी, पत्रकार, व्यापारी, बुद्धिजीवी र कर्मचारी वर्गको उल्लेखनीय उपस्थिति रहेको थियो। कार्यक्रममा उपस्थित अतिथिहरूले तिहार र छठ पर्वले नेपाली समाजमा आपसी मेलमिलाप,…
