बागमती प्रदेश वन ऐन २०७६ संशोधनका लागि गठित कार्यदलको बैठक सम्पन्न काठमाडौँ — बागमती प्रदेश वन ऐन २०७६ संशोधनका लागि मन्त्रीस्तरीय निर्णयबाट डा. सिन्धु ढुंगानाको संयोजकत्वमा गठन गरिएको कार्यदलको बैठक सम्पन्न भएको छ। बैठकमा माननीय वन तथा वातावरण मन्त्री भरत केसी, मन्त्रालयका सचिव डा. केदार बरालसहित कार्यदलका सदस्यहरूको सहभागिता रहेको थियो। बैठकमा प्रदेश वन ऐनका विद्यमान कानुनी प्रावधान, कार्यान्वयनको अवस्था, देखिएका समस्या तथा संशोधनमार्फत सुधार गर्नुपर्ने विषयमा विस्तृत छलफल गरिएको छ। प्रदेश वन ऐन संशोधनको प्रक्रियामा अधिकारवालाहरूको प्रत्यक्ष प्रतिनिधित्वसहित कार्यदल गठन गरी छलफल तथा सुझाव संकलन गर्ने अभ्यास बागमती प्रदेशमा पहिलो पटक गरिएको हो। यस अभ्यासले ऐनलाई अझ व्यवहारिक, समावेशी…
