दसैँ सकिएको दुई दिनमै भारी वर्षाको पूर्वानुमान, किसानलाई धानबाली जोगाउने चिन्ता महेन्द्र श्रेष्ठ शंख ध्वनि अनलाइन नेपालीहरूको महान् पर्व बडादसैँ सकिएको बल्ल दुई दिन भएको छ। दसैँको टीका, जमरा र पारिवारिक भेटघाटको रमझमबाट विस्तारै दैनिकीमा फर्किरहेका नेपाली किसानहरूलाई यतिबेला मौसमको चिन्ताले सताउन थालेको छ। खेतमा पाकेर काट्न तयार भएको धानबाली भित्र्याउने समयमा भारी वर्षाको सम्भावना देखिएपछि किसानहरू चिन्तित बनेका छन्। कतिपय खेतमा धान पहेँलिँदै पाक्न थालेको छ भने कतिपय खेतमा अझै धान हरियै छ। यस्तो अवस्थामा भारी वर्षा भएमा धानबालीमा क्षति पुग्न सक्ने चिन्ताले किसानहरूलाई पिरोलेको छ। पाकेको धान काटेर सुरक्षित ठाउँमा राख्नुपर्ने चटारो एकातिर छ भने हरियो धान पाक्न…
