चुनावमा चर्को मुद्दा बनेको खरीढुङ्गा म्याग्नेसाइट : सरकार फेरियो, उद्योगको अवस्था फेरिएन!

चुनावमा चर्को मुद्दा बनेको खरीढुङ्गा म्याग्नेसाइट : सरकार फेरियो, उद्योगको अवस्था फेरिएन! भीमेश्वर नगरपालिका–७ का वडाध्यक्षको गुनासो : चुनावमा आलोचना गर्नेहरू सत्तामा पुगेपछि उद्योग हेर्नसमेत पुगेनन् महेन्द्र श्रेष्ठ / दोलखा प्रधान सम्पादक दोलखाको/ खरीढुङ्गामा रहेको म्याग्नेसाइट खानी र त्यससँग सम्बन्धित नेपाल ओरियन्ट म्याग्नेसाइट उद्योग नेपालको औद्योगिक विकासको सम्भावना, सरकारी उदासीनता र राजनीतिक प्रतिबद्धताबीचको अन्तर देखाउने एउटा उदाहरण बनेको छ। कुनै समय मुलुकको खनिजमा आधारित औद्योगिकीकरणको महत्त्वाकाङ्क्षी योजनाका रूपमा अघि बढाइएको यो परियोजना अहिले पनि पुनः सञ्चालनको प्रतीक्षामा छ। चुनावका बेला यही उद्योग राजनीतिक दलहरूको आलोचना गर्ने एउटा महत्त्वपूर्ण मुद्दा बन्दै आएको छ। पुराना दलहरूको असफलता र अकर्मण्यताको उदाहरणका रूपमा प्रस्तुत…

भीमेश्वर नगरपालिकाले वितरण गरेको खुमल–१६ धानको बीउ लगाएपछि बाली बिग्रिएको किसानको गुनासो। महेन्द्र श्रेष्ठ / दोलखा दोलखा । भीमेश्वर नगरपालिकाले वितरण गरेको खुमल–१६ जातको धानको बीउ लगाएका वडा नं. २ र ५ का किसानको धानबाली बिग्रिएको छ। धानको अवस्था बिग्रिएपछि किसान चिन्तित बनेका छन्। किसानले मुठी खाएर माना फलाउने आशामा खेतमा धान रोपेका थिए। तर अहिले धानबालीको अवस्था बिग्रिएपछि वर्षभरि खाने अन्न उत्पादन गर्ने सपना प्रभावित हुने चिन्ता बढेको छ। प्राप्त तस्बिरमा धानका बाला र पात सुक्दै गएको तथा बालीको अवस्था कमजोर देखिन्छ। वडा नं. २ र ५ मा खुमल–१६ धान लगाएका किसानले यस्तो समस्या भोग्नुपरेको बताइएको छ। यद्यपि, कति…

आजदेखि दसैँ सुरु, द्वाल्खामा जमरा राख्न पवित्र जल संकलन। महेन्द्र श्रेष्ठ / दोलखा दोलखा, २४ असोज । नेपालीहरूको महान् चाड बडादसैँ आजदेखि सुरु भएको छ। घटस्थापनाको दिन जमरा राख्ने परम्पराअनुसार प्राचीन नगरी द्वाल्खामा पनि धार्मिक विधि र परम्पराअनुसार पूजाआजा तथा तयारी सुरु भएको छ। द्वाल्खाको ऐतिहासिक तीनधारा राइतीमा रहेको नीलोखु च्वखको पानी संकलन गरी राजकुल, देवीकोट तथा विभिन्न कुलका गुरु–पुरोहितसहित कुलपूजाका लागि जाने परम्परा रहेको छ। यस अवसरमा गुरु–पुरोहित काशीनाथ सापकोटाले वैदिक मन्त्रद्वारा जलको शुद्धीकरण गरेपछि उक्त पवित्र जल कुलपूजाका लागि लगिने धार्मिक परम्परा रहेको छ। घटस्थापनाका दिन जमरा राख्न प्रयोग गरिने जललाई विशेष महत्त्वका साथ लिने गरिन्छ। ऐतिहासिक, सांस्कृतिक…

दोलखामा बडादशैं २०८३ का विभिन्न धार्मिक अनुष्ठान तथा पूजाका साइत सार्वजनिक। महेन्द्र श्रेष्ठ दोलखा / नेपालीहरूको महान् पर्व बडादशैं २०८३ को पावन अवसरमा दोलखामा परम्परादेखि सञ्चालन हुँदै आएका विभिन्न धार्मिक अनुष्ठान, पूजा तथा सांस्कृतिक गतिविधिका साइत सार्वजनिक गरिएको छ। बडादशैंका अवसरमा गरिने नित्य पूजा, जमरा राख्ने, गणेश मन्दिरमा बलिपूजा, नवरात्रिका विभिन्न पूजा, फूलपाती प्रवेश, महानवमी गणेश पूजा, भीमेश्वर पूजा, कालरात्रि विसर्जन पूजा, चालम पूजा, सरकारी टिकाको साइत तथा बहुरा जानेलगायतका कार्यक्रमको मिति र समय सार्वजनिक गरिएको हो। सार्वजनिक गरिएको विवरणअनुसार, दोलखाका विभिन्न मन्दिर तथा धार्मिक स्थलमा परम्पराअनुसार पूजा तथा अनुष्ठान सञ्चालन हुनेछन्। ती कार्यक्रमले जिल्लाको धार्मिक, सांस्कृतिक तथा ऐतिहासिक परम्परालाई…

वरिष्ठ इन्जिनियर आत्माकृष्ण श्रेष्ठद्वारा सुजाता मास्केको पुरस्कारका लागि ७ हजार ५०० रुपैयाँ सहयोग । महेन्द्र श्रेष्ठ / दोलखा दोलखा / दोलखालीको शानका रूपमा परिचित वरिष्ठ इन्जिनियर आत्माकृष्ण श्रेष्ठले भीम माध्यमिक विद्यालयकी सुजाता मास्केलाई प्रदान गरिने ‘अम्बरबहादुर कार्की उत्कृष्ट पुरस्कार’ का लागि नगद ७ हजार ५०० रुपैयाँ सहयोग गर्नुभएको छ। विद्यालयको शैक्षिक क्षेत्रमा पुर्‍याएको योगदानको मूल्याङ्कन गर्दै सुजाता मास्केलाई उक्त पुरस्कारबाट सम्मानित गर्ने सन्दर्भमा श्रेष्ठले पुरस्कारका लागि आवश्यक रकम उपलब्ध गराउनुभएको हो। शिक्षा समाज विकासको महत्वपूर्ण आधार हो। शैक्षिक क्षेत्रमा योगदान पुर्‍याउने व्यक्ति तथा प्रतिभालाई सम्मान र प्रोत्साहन गर्न सके विद्यालयको शैक्षिक वातावरण थप उत्साहजनक बन्न सक्छ। यही भावनालाई आत्मसात् गर्दै…

द्वन्द्व प्रभावित कोटाबाट राकेश श्रेष्ठको उम्मेदवारी, गगन थापा नेतृत्वसँगै नयाँ यात्राको खोजी। महेन्द्र श्रेष्ठ / दोलखा दोलखा, २२ असोज । नेपाली कांग्रेसका युवा नेता राकेश श्रेष्ठले द्वन्द्व प्रभावित तथा जनआन्दोलन घाइते कोटाबाट केन्द्रीय सदस्य पदमा उम्मेदवारी घोषणा गरेका छन्। गगन थापा नेतृत्वमा कांग्रेसको नयाँ राजनीतिक यात्रासँगै श्रेष्ठले पनि केन्द्रीय तहमा आफ्नो भूमिका खोजेका हुन्। दोलखाको भीमेश्वर नगरपालिका–२ का स्थायी बासिन्दा श्रेष्ठ लामो समयदेखि नेपाली कांग्रेसको संगठन निर्माण, सामाजिक सेवा र जनसम्पर्कमा सक्रिय रहँदै आएका छन्। विद्यार्थी राजनीतिबाट राजनीतिक यात्रा सुरु गरेका श्रेष्ठले तत्कालीन द्वन्द्वको कठिन समयमा समेत गाउँ–बस्तीमा पुगेर पार्टीको संगठन र विचार विस्तारमा सक्रिय भूमिका निर्वाह गरेको कांग्रेसका स्थानीय…

दोलखामा स्वास्थ्य कार्यक्रमको जिल्ला स्तरीय समीक्षा सम्पन्न महेन्द्र श्रेष्ठ दोलखा, १९ असोज । दोलखामा आर्थिक वर्ष २०८२/०८३ मा सञ्चालन गरिएका स्वास्थ्य कार्यक्रमको जिल्ला स्तरीय वार्षिक समीक्षा सम्पन्न भएको छ। दुई दिनसम्म चलेको समीक्षामा जिल्लाका नौवटै स्थानीय तहबाट स्वास्थ्य शाखा प्रमुख तथा प्रतिनिधिहरूको सहभागिता रहेको थियो। जिल्ला जनस्वास्थ्य कार्यालय दोलखाको आयोजनामा भएको समीक्षामा स्थानीय तहमा वर्षभरि सञ्चालन भएका स्वास्थ्य कार्यक्रमको प्रगति, उपलब्धि तथा सेवा प्रवाहको अवस्थाबारे सम्बन्धित स्वास्थ्य शाखाहरूले जानकारी प्रस्तुत गरेका थिए। कार्यक्रममा स्वास्थ्य क्षेत्रमा हासिल भएका उपलब्धिसँगै कार्यक्रम सञ्चालनका क्रममा देखिएका समस्या, चुनौती र आगामी दिनमा गर्नुपर्ने सुधारका विषयमा सहभागीबीच छलफल गरिएको थियो। नागरिकलाई प्रदान गरिँदै आएको स्वास्थ्य सेवाको…

त्रिविको विषय समिति सदस्यमा गौरीशंकर क्याम्पसका निमित्त प्रमुख फुयाल मनोनीत। चरिकोट । गौरीशंकर बहुमुखी क्याम्पसका निमित्त प्रमुख बालकृष्ण फुयाल त्रिभुवन विश्वविद्यालय शिक्षाशास्त्र सङ्कायअन्तर्गतको अंग्रेजी भाषा तथा अन्य वैदेशिक भाषा शिक्षा विषय समितिको सदस्यमा मनोनीत हुनुभएको छ। त्रिभुवन विश्वविद्यालय, शिक्षाशास्त्र सङ्काय डीनको कार्यालयले असोज १३ गतेदेखि लागू हुने गरी रिक्त रहेको सदस्य पदमा फुयाललाई मनोनयन गरेको हो। त्रिभुवन विश्वविद्यालय संगठन तथा शैक्षिक प्रशासनसम्बन्धी नियम, २०५० बमोजिम बाँकी कार्यकालका लागि फुयालसँगै सुकुना बहुमुखी क्याम्पस, मोरङका शंकर देवानलाई पनि विषय समिति सदस्यमा मनोनयन गरिएको छ। शिक्षाशास्त्र सङ्कायका डीन प्रा.डा. वेदराज आचार्यद्वारा जारी मनोनयन पत्रमा विश्वविद्यालयअन्तर्गतको विषयगत शैक्षिक तथा प्रशासनिक कार्यमा योगदान पुर्‍याउने उद्देश्यले…

फुलपामा बोलेरो दुर्घटना, ८ जना घाइते, ३ जनाको अवस्था गम्भीर। महेन्द्र श्रेष्ठ दोलखा, असोज १६। दोलखाको भीमेश्वर नगरपालिका–२ स्थित फुलपामा बोलेरो गाडी दुर्घटना हुँदा ८ जना घाइते भएका छन्। घाइतेमध्ये ३ जनाको अवस्था गम्भीर रहेको र उनीहरूको धुलिखेल अस्पतालमा उपचार भइरहेको भीमेश्वर नगरपालिका–२ का वडाध्यक्ष स्टालिन श्रेष्ठले जानकारी दिनुभएको छ। स्वाक्लाबाट दोलखा बजारतर्फ आउँदै गरेको बोलेरो फुलपा क्षेत्रमा आइपुगेपछि सडकबाट तल खसेर दुर्घटनामा परेको हो। दुर्घटनाको कारण भने अहिलेसम्म खुल्न सकेको छैन। फुलपा क्षेत्रमा सडक घुम्ती तथा उकालो–ओरालो रहेको र सडकको अवस्थाका कारण पनि सवारी चालकले विशेष सावधानी अपनाउनुपर्ने स्थानीयको भनाइ छ। वर्षायामपछि कतिपय स्थानमा सडक चिप्लो हुनुका साथै सडक…

जीवन विज्ञान केन्द्रीय सदस्यद्वारा विद्यालयलाई ट्रयाकसुट, एलसीडी ट्याब्लेट र छात्रवृत्ति सहयोग। महेन्द्र श्रेष्ठ दोलखा । विद्यार्थीको उज्ज्वल भविष्य निर्माणमा सानो सहयोगले पनि ठूलो अर्थ राख्छ। आर्थिक तथा शैक्षिक स्रोतको अभावका कारण कतिपय बालबालिकाले चाहेर पनि आफ्ना आवश्यकता पूरा गर्न नसकिरहेको अवस्थामा सहयोगी हातहरूबाट प्राप्त हुने साथ र सद्भाव उनीहरूका लागि ठूलो प्रेरणा बन्ने गरेको छ। यस्तै सामाजिक भावना र मानवीय सहयोगको उदाहरणका रूपमा जीवन विज्ञानका केन्द्रीय सदस्यको सहयोगमा भीमेश्वर नगरपालिका–२ स्थित फुलपा प्राथमिक विद्यालयमा अध्ययनरत विद्यार्थीलाई ट्रयाकसुट, एलसीडी राइटिङ ट्याब्लेट तथा छात्रवृत्ति वितरण गरिएको छ। २०८२ असोज १४ गते भीमेश्वर नगरपालिका–२ का वडाध्यक्ष स्टालिन श्रेष्ठको प्रमुख आतिथ्यतामा आयोजित कार्यक्रममा विद्यार्थीलाई…