दोलखा लायन्स आँखा केन्द्रको सामाजिक लेखा परीक्षण तिलगंगा आँखा प्रतिष्ठानमा सम्पन्न। सेवा मूल्याङ्कनसँगै दोलखा लायन्स क्लबको भवन कार्यक्रम पनि सम्पन्न। दोलखा जिल्लामा आँखासम्बन्धी स्वास्थ्य सेवाको विस्तार तथा अन्धोपन निवारणमा निरन्तर सक्रिय रहँदै आएको दोलखा लायन्स आँखा केन्द्रको सामाजिक लेखा परीक्षण कार्यक्रम तिलगंगा आँखा प्रतिष्ठानमा सम्पन्न भएको छ। पारदर्शिता, उत्तरदायित्व र सेवाको प्रभावकारिता मूल्याङ्कन गर्ने उद्देश्यले आयोजना गरिएको उक्त कार्यक्रममा लायन्स क्लब, तिलगंगा आँखा प्रतिष्ठान तथा विभिन्न परियोजनासँग सम्बन्धित सरोकारवालाहरूको उल्लेखनीय सहभागिता रहेको थियो। सामाजिक लेखा परीक्षण कार्यक्रममार्फत दोलखा जिल्लामा सञ्चालन भइरहेका आँखा स्वास्थ्यसम्बन्धी सेवा, परियोजना, उपलब्धि र आगामी कार्ययोजनाबारे विस्तृत समीक्षा गरिएको थियो। यसै सन्दर्भमा दोलखा लायन्स क्लबको भवन कार्यक्रम…
दाेलखा – नेपाल कम्युनिष्ट पार्टी (एमाले)को ११औँ राष्ट्रिय महाधिवेशनले पार्टीको नेतृत्व र संगठनात्मक संरचनामा नयाँ ऊर्जा र उत्साह भर्ने ऐतिहासिक अवसर प्रस्तुत गरेको छ। देशभरका हजारौं कार्यकर्ता, नेता र समर्थकहरूको उपस्थितिमा सम्पन्न यो महाधिवेशनले न केवल पार्टीको रणनीति र नीतिमा नयाँ दृष्टिकोण थप्नेछ, तर स्थानीय तहदेखि केन्द्रीय तहसम्मको प्रतिनिधित्वलाई समावेशी, सशक्त र सन्तुलित बनाउने अवसर पनि दिएको छ। यस महाधिवेशनमा दोलखा जिल्लाका प्रतिनिधिहरूले आफ्नो सक्रियता, नेतृत्व क्षमता र प्रतिबद्धताले पार्टीको केन्द्रिय नेतृत्वमा आफ्नो स्थान सुनिश्चित गर्दै ऐतिहासिक योगदान गरेका छन्। केन्द्रीय कमिटीमा दोलखा जिल्लाबाट निर्वाचित हुने गौरवशाली नामहरूमा क. आनन्द प्रसाद पोखरेल, क. पार्वत गुरुङ, क. रचना खड्का, क. श्याम…
सिन्धुलीबाट एमाले ११औँ महाधिवेशन प्रतिनिधि चयन : विविध क्षेत्र, नेतृत्व अनुभव र नयाँ पुस्ताको सशक्त उपस्थिति महेन्द्र श्रेष्ठ प्रधान सम्पादक नेकपा (एमाले)को ११औँ राष्ट्रिय महाधिवेशनका लागि सिन्धुली जिल्लाबाट सर्वसम्मत रुपमा प्रतिनिधिहरू चयन भएका छन्। जिल्लाका दुवै प्रतिनिधि सभा क्षेत्र तथा दलित संगठनबाट छनोट भएका प्रतिनिधिहरू दशकौँदेखि पार्टीभित्र जिम्मेवारी सम्हाल्दै आएका अनुभवी नेतृत्वदेखि लिएर नयाँ पुस्ताका ऊर्जाशील युवा नेतासम्मको सन्तुलित संयोजनका रुपमा रहेका छन्। प्रतिनिधिहरू आफ्नो–आफ्नो क्षेत्र, समुदाय र संगठनमा गरेको योगदानका आधारमा योग्य ठहरिएकाले यस प्रतिनिधि सूचीले सिन्धुलीको संगठनात्मक शक्ति, एकता र सहज नेतृत्व–क्रमको स्पष्ट संकेत दिएको छ। प्रतिनिधि सभा क्षेत्र नं–१ बाट चयनित प्रतिनिधिहरू १. क. प्रदिप कटुवाल –…
दोलखा, मंसिर — नेकपा (एमाले) दोलखाले पुनः एकपटक संगठनभित्रको एकता, सहकार्य र साझा लक्ष्यप्रतिको दृढ प्रतिबद्धता प्रस्तुत गर्न सफल भएको छ। हालै सम्पन्न आन्तरिक छलफल तथा तयारी बैठकहरूले नेतृत्वदेखि आधारभूत कार्यकर्ता तहसम्म समान भावना र एकै उद्देश्यप्रति केन्द्रित रहेको स्पष्ट संकेत दिएका छन्। १०औँ महाधिवेशनपछि निरन्तर विकसित हुँदै आएको संवाद, सहमति र संयमतापूर्ण निर्णय प्रक्रियाले यसपटक पनि दोलखामा सर्वसम्मत नतिजा निकाल्न महत्वपूर्ण भूमिका खेलेको छ। सम्भावित मतभेदलाई छलफल, परामर्श र सामूहिक निर्णयले समाधान गर्ने स्वस्थ राजनीतिक संस्कार दोलखामा फेरि एकपटक सबल रूपमा प्रकट भएको विश्लेषण गरिन्छ। स्थानीय नेतृत्वले संगठन विस्तार, आन्तरिक समन्वय र आगामी कार्यक्रमहरूलाई अझ प्रभावकारी बनाउने लक्ष्यसहित सामूहिकता,…
प्रधान सम्पादक महेन्द्र श्रेष्ठ जनकपुरधाम– पौराणिक परम्परा र सांस्कृतिक गौरवको प्रतीक बिबाह पञ्चमीको अवसरमा जनकपुरधाम उपमहानगरपालिकाको औपचारिक निमन्त्रणामा सहभागी हुन गएको भीमेश्वर नगरपालिकाको प्रतिनिधिमण्डल र जनकपुरधाम उपमहानगरपालिकाबीच भगिनी सम्बन्धमार्फत दुवै नगरको भविष्यका सहकार्यका आयामहरूबारे महत्वपूर्ण छलफल सम्पन्न भएको छ। दुवै स्थानीय तहका प्रतिनिधिहरूबीच भएको भेटघाटमा दोलखा र मिथिलाको सांस्कृतिक, आर्थिक, साहित्यिक तथा पर्यटन विकासलाई कसरी थप प्रभावकारी बनाउने भन्ने विषयमा विस्तृत कुराकानी गरिएको छ। विशेषगरी “भगिनी सम्बन्ध” लाई व्यवहारिक रूपमा कार्यान्वयन गर्दै संयुक्त परियोजना, सांस्कृतिक आदान–प्रदान, पर्यटन प्रवर्द्धन, साहित्यिक अभियान र आर्थिक साझेदारी जस्ता क्षेत्रहरूमा सहकार्यको सम्भावना अध्ययन गरिएको जनाइएको छ। छलफलका क्रममा जनकपुरधाम उपमहानगरपालिकाका नगर प्रमुख मनोजकुमार शाह र…
एमालेद्वारा काठमाडौंमा विशाल जनसभा : प्रतिगामी कदमविरुद्ध जनपरिचालनको पहिलो चरण आज समापन काठमाडौं– नेकपा एमालेले प्रतिगामी प्रवृत्तिहरू र असंवैधानिक कदमविरुद्ध सञ्चालन गर्दै आएको ‘जनपरिचालन कार्यक्रम’ अन्तर्गत आज काठमाडौंमा विशाल जनसभाको आयोजना गरेको छ। भदौ २३ र २४ गतेका घटनापछि प्रधानमन्त्री नियुक्तिको प्रक्रिया र प्रतिनिधिसभा विघटन असंवैधानिक रुपमा गरिएको भन्दै एमालेले कात्तिक २२ गतेदेखि देशव्यापी जनपरिचालन अभियान सुरु गरेको थियो। सोही अभियानलाई जोड दिन काठमाडौंमा आयोजना भएको आजको जनसभाको प्रमुख एजेन्डा प्रतिनिधिसभा पुनःस्थापना नै रहेको प्रचार तथा प्रकाशन विभाग प्रमुख राजेन्द्र गौतमले जानकारी दिनुभयो। गौतमका अनुसार, पार्टीको बागमती प्रदेश कमिटीले आयोजना गरेको जनसभा भृकुटीमण्डपमा हुने छ। विभिन्न जनसंगठन, पार्टी समितिहरू तथा…
महेन्द्र श्रेष्ठ प्राधान सम्पादक सिन्धुली । आ.व. २०८१/०८२ का उत्कृष्ट कार्यसम्पादनका आधारमा स्थानीय तहमार्फत प्रदान हुने स्वास्थ्य सेवा मूल्यांकनमा फिक्कल गाउँपालिका प्रथम बन्न सफल भएको छ। गुणस्तरीय सेवा विस्तार, आम नागरिकमा स्वास्थ्य सचेतना वृद्धि, स्वास्थ्य पूर्वाधार सुधार र समयमै सेवा उपलब्ध गराउने कार्यमा फिक्कलले देखाएको उल्लेखनीय प्रगतिको उच्च मूल्यांकन गर्दै बागमती प्रदेश सरकारले सम्मानित गरेको हो। यस उपलब्धिको सम्मानस्वरूप फिक्कल गाउँपालिका स्वास्थ्य शाखाका प्रमुख लेखनाथ फुयाँललाई बागमती प्रदेश सरकारका स्वास्थ्य मन्त्री माननीय किरण थापा तथा स्वास्थ्य मन्त्रालयका सचिव डा. सुमित्रा गौतमले संयुक्त रूपमा बधाई तथा धन्यवाद प्रदान गर्दै आगामी दिनमा स्वास्थ्य क्षेत्रलाई अझ प्रभावकारी, जनमुखी र परिणाममुखी बनाउने दिशामा निरन्तर…
दोलखा— नेपाल कम्युनिष्ट पार्टी (एमाले)द्वारा दोलखामा आयोजित जागरण सभा उत्साहपूर्ण वातावरणमा भव्य रूपमा सम्पन्न भएको छ। स्थानीय जनसमुदाय, कार्यकर्ता, युवादल, जनवर्गीय संगठन तथा समर्थकहरूको उल्लेखनीय उपस्थिति रहेको सभामा राष्ट्रिय राजनीति, सुशासन, देशको दिशा–दिशा र एमालेको भूमिकाबारे महत्वपूर्ण अभिमतहरू प्रस्तुत गरियो। कार्यक्रममा प्रमुख वक्ताहरूले एमाले मात्र स्थिरता, राष्ट्रियता र विकासको पक्षधर दल भएको दाबी गर्दै देशले खोजेको वैकल्पिक नेतृत्व एमालेसँगै सम्भव रहेको धारणा व्यक्त गरे। देशमा देशप्रेम, राष्ट्रियता र विकासको बाटो एमालेकै हो” — केन्द्रीय सदस्य सरस्वती बस्नेत केन्द्रीय सदस्य सरस्वती बस्नेतले अहिलेको राजनीतिक अस्तव्यस्तता, अस्थिरता र असन्तुलित निर्णयको वातावरणलाई अन्त्य गर्न सक्ने शक्ति एमाले मात्र भएको बताइन्। उनले भनिन्, “देशमा…
नेकपा एमाले दोलखा जिल्ला कमिटीद्वारा कात्तिक २९ गते आयोजना गरिने ऐतिहासिक आमसभा र त्यसको पूर्वसन्ध्यामा कात्तिक २८ गते हुने मोटरसाइकल यात्राको तयारी तीव्र रूपमा अघि बढाइएको छ। कार्यक्रमअनुसार कात्तिक २९ गते बिहान ११:०० बजे चरिकोट सातदोबाटोबाट जुलुस सुरु हुनेछ, जसले बजार परिक्रमा गर्दै पुनः सातदोबाटोमै पुगेर विशाल आमसभामा परिणत हुनेछ। त्यसअघि, कात्तिक २८ गते दिउँसो ३:०० बजे चरिकोट सातदोबाटोबाट मोटरसाइकल यात्रा सुरु हुने छ, जसले पार्टीको जनपरिचालन अभियानलाई थप ऊर्जा र उत्साह प्रदान गर्ने उद्देश्य लिएको छ। उक्त तयारीलाई सफल र प्रभावकारी बनाउन नेकपा एमाले दोलखा जिल्ला कमिटी, नगर कमिटी तथा विभिन्न जनसंगठनका प्रतिनिधिहरूबीच निरन्तर छलफल र समन्वय बैठकहरू भईरहेका…
प्रतिनिधि सभाको निर्वाचन : चुनौती र अवसर” विषयक अन्तरक्रिया सम्पन्न काठमाडौं – संविधान निगरानी समूह र नेपाल कानुन समाजद्वारा संयुक्त रुपमा आयोजना गरिएको “आगामी प्रतिनिधि सभाको निर्वाचन : चुनौती र अवसर” विषयक अन्तरक्रिया कार्यक्रम सोमबार राजधानीको लैनचौरस्थित द मल्ल होटलमा सम्पन्न भएको छ। कार्यक्रममा निर्वाचन प्रणालीको सुधार, राजनीतिक दलहरूको आचारसंहिता, मतदाताको अधिकार, निर्वाचन खर्च नियन्त्रण तथा सुशासनसम्बन्धी विविध विषयमा विस्तृत छलफल गरिएको थियो। सहभागी वक्ताहरूले लोकतान्त्रिक अभ्यासलाई संस्थागत गर्न निर्वाचन प्रक्रिया निष्पक्ष, पारदर्शी र सबलीकरणमुखी हुनुपर्नेमा जोड दिएका थिए। कार्यक्रममा पूर्वप्रधानन्यायाधीश कल्याण श्रेष्ठ, पूर्वन्यायाधीश अग्नि खरेल, राधेश्याम अधिकारी, खिमलाल देवकोटा, कृष्णमान प्रधान, भावना राउत, मिराज ढुंगाना, सन्तोष परियार, र अनिलकुमार…