बागमती प्रदेश

भीमेश्वर नगरपालिकाले सार्वजनिक गर्‍यो आर्थिक वर्ष २०८२/८३ को वित्तीय विवरण, पुँजीगत तथा कृषि क्षेत्रमा खर्च न्यून भएको टिप्पणी महेन्द्र श्रेष्ठ दोलखा। दोलखाको भीमेश्वर नगरपालिकाले आर्थिक वर्ष २०८२/८३ को वित्तीय विवरण सार्वजनिक गरेको छ। सार्वजनिक विवरणअनुसार नगरपालिकाको अनुमानित कुल बजेट ८८ करोड ९९ लाख ८७ हजार रुपैयाँ रहेको थियो। नगरपालिकाले बजेट कार्यान्वयनको अवस्था सार्वजनिक गरेसँगै विकास निर्माण तथा उत्पादनमुखी क्षेत्र, विशेषगरी कृषि क्षेत्रमा अपेक्षाअनुसार लगानी हुन नसकेको भन्दै स्थानीय स्तरमा चासोसमेत व्यक्त हुन थालेको छ। नगरपालिकाका अनुसार कुल बजेटमध्ये चालुतर्फ ५९ करोड १४ लाख ३२ हजार ९९८ रुपैयाँ, पुँजीगततर्फ २८ करोड ८५ लाख ५४ हजार रुपैयाँ तथा वित्तीय व्यवस्थातर्फ १० करोड…

लगातार तीन दिनको वर्षाले दोलखाका किसान हर्षित, धान रोपाइँले लियो तीव्रता महेन्द्र श्रेष्ठ दोलखा। लगातार तीन दिनदेखि परेको वर्षाले दोलखा जिल्लाका किसानमा नयाँ उत्साह थपिएको छ। लामो समयसम्म पर्याप्त वर्षा नहुँदा चिन्तित बनेका किसानहरू अहिले भने खेतबारीमा व्यस्त देखिएका छन्। वर्षासँगै खेतमा पर्याप्त पानी जम्न थालेपछि जिल्लाभर धान रोपाइँको चटारो बढेको हो। भीमेश्वर, मेलुङ, गौरीशंकर, शैलुङ, वैतेश्वर, तामाकोशी, जिरी, कालिञ्चोक, बिगु तथा अन्य स्थानीय तहका अधिकांश गाउँमा किसान बिहानदेखि साँझसम्म खेतमै व्यस्त छन्। परिवारका सदस्यसँगै छिमेकीहरू एकअर्कालाई सघाउँदै परम्परागत रूपमा धान रोपाइँ गरिरहेका दृश्य गाउँघरमा फेरि देखिन थालेका छन्। किसानहरूका अनुसार समयमै परेको वर्षाले रोपाइँका लागि अनुकूल वातावरण बनेको छ।…

सेनाको सहयोगमा भीमेश्वर मन्दिर परिसरमा रेलिङ निर्माण महेन्द्र श्रेष्ठ शंख ध्वनि अनलाइन दोलखा, असार १२। दोलखाको ऐतिहासिक तथा प्रसिद्ध भीमेश्वर मन्दिर परिसरमा भक्तजनहरूको सहज व्यवस्थापनका लागि नेपाली सेनाले रेलिङ निर्माण गरेको छ। नेपाली सेनाको गरुडदल गण, चरिकोटद्वारा निर्माण गरिएको उक्त रेलिङ शुक्रबार आयोजित एक समारोहबीच मध्यपूर्व पृतनाका पृतनापति उपरथी भुवन खत्रीले भीमेश्वर मन्दिर तथा गुठी व्यवस्थापन समितिलाई हस्तान्तरण गरेका हुन्। कार्यक्रममा उपरथी खत्रीले नागरिक–सैनिक सम्बन्धलाई अझ सुदृढ बनाउने उद्देश्यका साथ नेपाली सेनाले देशका विभिन्न स्थानमा सामुदायिक आवश्यकताको पहिचान गरी जनहितका कार्यहरू सञ्चालन गर्दै आएको बताए। उनले शीघ्र प्रभावी योजनामार्फत शिक्षा, स्वास्थ्य, खानेपानी, ऐतिहासिक, धार्मिक तथा सांस्कृतिक सम्पदाको संरक्षण र सामुदायिक…

गुठिवु खेतमा रोपाइँको रौनक : विद्यार्थीले लिए कृषि ज्ञान। महेन्द्र श्रेष्ठ दोलखा, असार १२ – परम्परागत कृषि संस्कृतिलाई संरक्षण गर्दै व्यवहारिक शिक्षासँग जोड्ने उद्देश्यले आज गुठिवु खेतमा धान रोपाइँ कार्यक्रम सम्पन्न गरिएको छ। कार्यक्रममा राजकुलेश्वर माध्यमिक विद्यालय का विद्यार्थी भाइबहिनीहरू उत्साहपूर्वक सहभागी भई धान रोपाइँ गर्दै कृषि सम्बन्धी व्यवहारिक ज्ञान हासिल गरेका छन्। कार्यक्रममा विद्यार्थीहरूले खेतमा धान रोप्ने तरिका, बीउको महत्त्व, माटोको संरक्षण तथा कृषि उत्पादनको प्रक्रिया बारे प्रत्यक्ष अनुभव प्राप्त गरेका थिए। रोपाइँमा सहभागी विद्यार्थीहरू हिलोमा रमाउँदै नेपाली कृषि संस्कृतिसँग नजिकिएका थिए। नेपाल कृषिप्रधान देश भएकाले “मान रोपेर मुरी उब्जाउने” हाम्रो परम्परालाई जीवन्त राख्न विद्यार्थीदेखि किसानसम्म सबैको सक्रिय सहभागिता…

शंखध्वनि अनलाइन दोलखा । ३२ वर्षअघि दोलखा बजारबाट चोरी भएका मल्लकालीन आकाश भैरवका दुई ऐतिहासिक तथा बहुमूल्य मुकुट अमेरिकाबाट कूटनीतिक तथा कानुनी प्रक्रियामार्फत स्वदेश फर्काइएका छन्। लामो समयदेखि हराएका यी अमूल्य सांस्कृतिक सम्पदा नेपाल फर्किएसँगै दोलखाबासीमा खुसीको लहर छाएको छ। दोलखालीहरूको धार्मिक आस्था, सांस्कृतिक पहिचान तथा ऐतिहासिक महत्वसँग जोडिएका यी मुकुट विसं २०५१ सालतिर चोरी भई विदेश पुगेका थिए। दशकौँको खोजी, अनुसन्धान तथा विभिन्न निकायको पहलपछि मुकुटहरू पुनः नेपाल ल्याउन सफलता प्राप्त भएको हो। स्वदेश फर्काइएका मुकुटहरूलाई सम्बन्धित निकायको समन्वयमा सुरक्षित रूपमा संरक्षण गरिएको छ भने दोलखालीहरूले आफ्ना पुर्खाको सम्पदा पुनः प्राप्त हुनु गौरवको विषय भएको बताएका छन्। वर्षौंअघि आफ्नो…

मानसिक स्वास्थ्यसम्बन्धी समाचार सम्प्रेषणमा जिम्मेवारीबारे सञ्चारकर्मीलाई अभिमुखीकरण महेन्द्र श्रेष्ठ दोलखा, असार ३ । जनस्वास्थ्य कार्यालय दोलखाको आयोजना तथा नेपाल पत्रकार महासंघ दोलखा शाखाको सहकार्य र समन्वयमा सञ्चारकर्मीहरूका लागि ‘आत्महत्या तथा मानसिक स्वास्थ्यसम्बन्धी जिम्मेवार समाचार सम्प्रेषण’ विषयक अभिमुखीकरण कार्यक्रम सम्पन्न भएको छ। मानसिक स्वास्थ्यसम्बन्धी विषयलाई समाचारका माध्यमबाट प्रस्तुत गर्दा अपनाउनुपर्ने संवेदनशीलता, नैतिकता र सामाजिक जिम्मेवारीबारे जानकारी गराउने उद्देश्यले कार्यक्रम आयोजना गरिएको हो। नेपाल पत्रकार महासंघ दोलखा शाखाका अध्यक्ष प्रभु जिरेलको अध्यक्षतामा सम्पन्न कार्यक्रममा जनस्वास्थ्य कार्यालय दोलखाका प्रमुख डिलेन्द्र बुढा मगर प्रमुख अतिथिका रूपमा सहभागी हुनुभएको थियो। कार्यक्रममा जिल्लामा कार्यरत पत्रकार तथा सञ्चारकर्मीहरूको उल्लेखनीय सहभागिता रहेको थियो। अभिमुखीकरणका क्रममा जनस्वास्थ्य कार्यालय दोलखाका…

भीमेश्वर मन्दिरमा भक्तजन व्यवस्थापनका लागि अस्थायी स्टिल रेलिङ निर्माण भीमेश्वर मन्दिरमा दर्शनार्थीको भीड व्यवस्थापन गर्न अस्थायी स्टिल रेलिङ निर्माण हुँदै दोलखा । दोलखाको प्रसिद्ध धार्मिक स्थल भीमेश्वर मन्दिरमा दैनिक रूपमा बढ्दो दर्शनार्थीको भीडलाई व्यवस्थित गर्न अस्थायी स्टिल रेलिङ निर्माण कार्य सुरु गरिएको छ। दोलखा भीमेश्वर गुठी व्यवस्थापन समितिको अनुरोध तथा गरूडदल गण चरिकोट, दोलखाको समन्वयमा नेपाली सेनाले मन्दिर परिसरमा फोल्डिङ प्रकारको स्टिल रेलिङ निर्माण गरिरहेको हो। गरूडदल गणका प्रमुख सेनानी लोक सागर कटुवालका अनुसार शनिबार, मंगलबार तथा दर्शनार्थीहरूको अत्याधिक भीड हुने विशेष अवसरहरूमा मात्र उक्त रेलिङ प्रयोग गरिनेछ। अन्य समयमा रेलिङ हटाएर सुरक्षित स्थानमा राखिने व्यवस्था गरिएको उहाँले जानकारी दिनुभयो।…

एसएसपी सुरेश काफ्लेको काँधमा उपत्यका ट्राफिकको नेतृत्व काठमाडौं । वरिष्ठ प्रहरी उपरीक्षक (एसएसपी) सुरेश काफ्ले ले काठमाडौँ उपत्यका ट्राफिक प्रहरी कार्यालयको प्रमुखको जिम्मेवारी सम्हाल्नुभएको छ। विशेष ब्युरोबाट सरुवा भई उपत्यका ट्राफिक प्रहरी कार्यालयमा आउनुभएका एसएसपी काफ्लेले आइतबार औपचारिक रूपमा पदभार ग्रहण गर्दै कार्यालयको नेतृत्व सुरु गर्नुभएको हो। बढ्दो सवारी चाप, ट्राफिक व्यवस्थापन, सडक सुरक्षाको सुदृढीकरण तथा नागरिकमैत्री सेवा प्रवाहलाई प्राथमिकतामा राख्दै उहाँले आफ्नो कार्ययोजना अघि बढाउने अपेक्षा गरिएको छ। नेपाल प्रहरी मुख्यालयको निर्णयअनुसार उक्त जिम्मेवारी पाउनुभएका एसएसपी काफ्ले अनुभवी र कुशल प्रहरी अधिकृतका रूपमा परिचित हुनुहुन्छ। उहाँको नेतृत्वमा काठमाडौँ उपत्यकाको ट्राफिक व्यवस्थापन थप व्यवस्थित, प्रविधिमैत्री र प्रभावकारी बन्ने विश्वास गरिएको…

वर्षायाममै स्टल बजारमा डोजर, ४६ व्यवसायी विस्थापित दशैंसम्म बस्न दिन माग गरे पनि कमलामाई नगरपालिकाले सटर भत्कायो महेन्द्र श्रेष्ठ सिन्धुली । कमलामाई नगरपालिका ले जीर्ण अवस्थामा रहेको स्टल बजारमा शुक्रबार डोजर चलाएको छ । नगरपालिकाले पूर्वसूचना जारी गर्दै हटाउन निर्देशन दिएका स्टल बजारका ४८ वटा सटर भत्काउने काम शुक्रबार दिउँसो १ बजेदेखि सुरु गरिएको हो । नगरपालिकाले केही दिनअघि नै स्टल बजार खाली गर्न सूचना जारी गरेको थियो । बुधबार अन्तिम सूचना प्रकाशित भएपछि व्यवसायीहरू सामान व्यवस्थापन गर्न बाध्य बनेका थिए । शुक्रबार डोजर पुगेसँगै वर्षायामकै बीच ४६ जना व्यवसायी विस्थापित भएका छन् । वर्षाको समय भएकाले तत्काल व्यवसाय स्थानान्तरण…