महेन्द्र श्रेष्ठ दोलखा, २७ कात्तिक — दिपावली तथा नेपाल संवत् ११४६ र छठ पर्वलाई लक्षित गरी दोलखा जिल्ला प्रशासन कार्यालयले सुरक्षात्मक आदेश जारी गरेको छ। चाडपर्वको समयमा शान्ति, सुव्यवस्था र जनसुरक्षा कायम राख्न भन्दै प्रशासनले के गर्न पाइने र के नगर्नु भन्ने विषयमा विस्तृत सूचना सार्वजनिक गरेको हो। प्रमुख जिल्ला अधिकारी भोला दाहालले हस्ताक्षर गरेको सूचनामा दिपावलीका अवसरमा पटका, बम, आतसबाजी, फटाका, विस्फोटक पदार्थको उत्पादन, बिक्री वितरण र प्रयोग पूर्णरूपमा निषेध गरिएको उल्लेख छ। यस्ता वस्तु उत्पादन गर्ने, बिक्री गर्ने वा प्रयोग गर्ने पाइएमा कानुनी कारबाही गरिने चेतावनी प्रशासनले दिएको छ। त्यसैगरी, देउसी–भैलो खेल्ने कार्यलाई परम्परागत ढंगले मर्यादित रूपमा गर्न अनुरोध…
