भैरव–कुमारी जात्रा भव्य रूपमा सम्पन्न।

दोलखाको पर्यटन विकाससँगै प्रदेशको प्रमुख केन्द्र बनाउने अभियानमा होटल व्यवसायी। महेन्द्र श्रेष्ठ दोलखा, भदौ १८ । दोलखाको पर्यटन सम्भावनालाई उजागर गर्दै जिल्लालाई बागमती प्रदेशकै प्रमुख पर्यटकीय केन्द्रका रूपमा स्थापित गर्ने लक्ष्यसहित दोलखा जिल्ला होटल तथा पर्यटन व्यवसायी संघको पाँचौँ वार्षिक साधारण सभा सम्पन्न भएको छ। भीमेश्वर नगरपालिका–चरिकोटमा सम्पन्न साधारण सभामा होटल तथा पर्यटन व्यवसायी, संघका पदाधिकारी तथा सदस्य, स्थानीय जनप्रतिनिधि, पर्यटन क्षेत्रका सरोकारवाला र विभिन्न संघसंस्थाका प्रतिनिधिको सहभागिता रहेको थियो।   साधारण सभाले दोलखाको पर्यटनलाई थप व्यवस्थित र व्यवसायिक बनाउँदै जिल्लाको आर्थिक समृद्धिसँग जोड्ने विषयलाई प्राथमिकतामा राखेको छ। साथै दोलखालाई बागमती प्रदेशको पर्यटनको प्रमुख केन्द्रका रूपमा विकास गर्दै दीर्घकालीन रूपमा…

आमाबुबाको स्मृतिमा भीम माविमा विनोद मास्केद्वारा अक्षयकोष स्थापना। महेन्द्र श्रेष्ठ दोलखा । आफ्ना स्वर्गीय बुबा ईश्वरबहादुर मास्के र आमा अमृतकुमारी मास्केको स्मृतिमा भीम माध्यमिक विद्यालयमा पुस्तकालयका आजीवन सदस्य विनोद मास्केले अक्षयकोष स्थापना गर्नुभएको छ। शिक्षा क्षेत्रमा योगदान पुर्‍याउने तथा आर्थिक अवस्था कमजोर भएका विद्यार्थीलाई अध्ययनमा प्रोत्साहन गर्ने उद्देश्यले मास्केले आमाबुबाको नाममा अक्षयकोष स्थापना गर्नुभएको हो। अक्षयकोषबाट प्राप्त हुने ब्याज रकमबाट विद्यालयका जेहेन्दार तथा असहाय विद्यार्थीलाई पुरस्कार तथा सहयोग प्रदान गरिने मास्केले बताउनुभएको छ। यसबाट आर्थिक अभावका कारण अध्ययनमा समस्या भोगिरहेका विद्यार्थीलाई प्रोत्साहन मिल्नुका साथै उत्कृष्ट विद्यार्थीलाई थप हौसला पुग्ने अपेक्षा गरिएको छ। आफ्ना आमाबुबाको सम्झनालाई सामाजिक तथा शैक्षिक सेवासँग जोड्दै…

लायन्स क्लब अफ दोलखाद्वारा दोलखा–धुलिखेल अस्पताललाई सीएलआईए एनालाइजर हस्तान्तरण। महेन्द्र श्रेष्ठ दोलखा / सामाजिक सेवा, स्वास्थ्य तथा मानवीय सहयोगका क्षेत्रमा निरन्तर सक्रिय रहँदै आएको लायन्स क्लब अफ दोलखाले दोलखा–धुलिखेल अस्पताललाई अत्याधुनिक स्वास्थ्य परीक्षण उपकरण ‘सीएलआईए एनालाइजर (CLIA Analyzer)’ हस्तान्तरण गरेको छ। अस्पतालको प्रयोगशाला सेवाको क्षमता विस्तार गर्दै जिल्लामै गुणस्तरीय, सहज र भरपर्दो स्वास्थ्य परीक्षण सेवा उपलब्ध गराउने उद्देश्यले उक्त उपकरण हस्तान्तरण गरिएको हो। अस्पतालमा आयोजित विशेष कार्यक्रममा लायन्स क्लब अफ दोलखाले उक्त उपकरण अस्पताल प्रशासनलाई हस्तान्तरण गरेको हो। सीएलआईए एनालाइजरको उपलब्धताले अस्पतालमा हुने विभिन्न प्रकारका प्रयोगशाला परीक्षणलाई थप व्यवस्थित, प्रभावकारी र विश्वसनीय बनाउन सहयोग पुग्ने अपेक्षा गरिएको छ। यसबाट जिल्लाका…

बाढीपीडितको पीडामा मङ्गला अमात्यको ठूलो सहारा, प्रधानमन्त्री राहत कोषमा १ करोड ८ लाख सहयोग। शंख ध्वनि सम्बाद दाता काठमाडौं । विपद्का बेला मानवता नै सबैभन्दा ठूलो धर्म हो भन्ने उदाहरण प्रस्तुत गर्दै काठमाडौंको छाउनी निवासी मङ्गला अमात्यले प्रधानमन्त्री राहत कोषमा १ करोड ८ लाख रुपैयाँ सहयोग गरेकी छन्। भदौ १० गते भोटेकोसी र त्रिशूली नदीमा आएको विनाशकारी बाढीले ठूलो जनधनको क्षति पुर्‍याएको छ। बाढीका कारण कैयौँ परिवारले घरबार, सम्पत्ति र जीवनयापनका आधार गुमाएका छन्। धेरै नागरिक विस्थापित भएर पीडा, अभाव र अनिश्चितताको सामना गरिरहेका छन्। यस्तो दुःखद् र संवेदनशील अवस्थामा अमात्यले आफ्नो व्यक्तिगत तर्फबाट गरेको १ करोड ८ लाख रुपैयाँको सहयोग…

दोलखा जिल्ला होटल तथा पर्यटन व्यवसायी संघको पाँचौँ वार्षिक साधारणसभा भदौ १८ गते। दोलखा / दोलखा जिल्ला होटल तथा पर्यटन व्यवसायी संघले आफ्नो पाँचौँ वार्षिक साधारणसभा आयोजना गर्ने भएको छ। जिल्लाको होटल तथा पर्यटन क्षेत्रको विकास, प्रवर्द्धन तथा व्यवसायीहरूको हकहितका विषयमा छलफल गर्ने उद्देश्यले साधारणसभा आयोजना गर्न लागिएको हो। संघका अनुसार २०८३ साल भदौ १८ गते बिहान १० बजे चरिकोटस्थित दरबार पार्टी प्यालेसमा पाँचौँ वार्षिक साधारणसभा आयोजना हुनेछ। दोलखाको होटल तथा पर्यटन क्षेत्रलाई थप व्यवस्थित, व्यावसायिक र प्रभावकारी बनाउँदै जिल्लाको पर्यटन प्रवर्द्धनमा योगदान पुर्‍याउने विषयलाई साधारणसभाले प्राथमिकतामा राख्ने बताइएको छ। साथै होटल तथा पर्यटन व्यवसायीहरूले भोग्दै आएका समस्या, चुनौती तथा…

रक्तदान कार्यक्रम हुँदै, रसुवा बाढीपीडित तथा घाइतेका लागि रगत संकलन गरिने। दोलखा । रसुवामा आएको बाढीबाट प्रभावित तथा घाइते भएकाहरूलाई आवश्यक रगतको अभाव हुन नदिन दोलखामा रक्तदान कार्यक्रम आयोजना गरिने भएको छ। “रक्तदान गरौँ, जीवन बचाऔँ !” भन्ने नारासहित नेपाल राष्ट्रिय शिक्षक संगठन, भीमेश्वर नगर समिति दोलखाको आयोजनामा तथा नेपाल रेडक्रस सोसाइटी जिल्ला शाखा दोलखाको समन्वयमा रक्तदान कार्यक्रम हुन लागेको हो। आयोजकका अनुसार भदौ २१ गते आइतबार बिहान १० बजे सातदोबाटो, चरिकोट, दोलखामा रक्तदान कार्यक्रम सञ्चालन हुनेछ। कार्यक्रममा संकलित रगत रसुवा बाढीबाट प्रभावित तथा घाइतेहरूको उपचारमा सहयोग पुर्‍याउने उद्देश्य राखिएको छ। मानवीय सेवाको यस अभियानमा सहभागी भई रक्तदान गर्न सबै…

प्राचीन नगरी दोलखामा पाँचदिने भैरव–कुमारी जात्रा सुरु हुँदै। दोलखा । प्राचीन तथा ऐतिहासिक नगरी दोलखामा परापूर्वकालदेखि निरन्तर सञ्चालन हुँदै आएको भैरव–कुमारी जात्रा यस वर्ष पनि पाँच दिनसम्म विभिन्न धार्मिक तथा सांस्कृतिक विधिसहित मनाइने भएको छ। परम्परादेखि चलिआएको यस जात्राका क्रममा भैरव तथा कुमारीको विशेष पूजा–आराधना गरी ऐतिहासिक तथा धार्मिक महत्व बोकेका टोलहरूमा परिक्रमा गराइनेछ। जात्राले दोलखाको मौलिक संस्कृति, परम्परा र धार्मिक आस्थालाई जीवन्त राख्न महत्वपूर्ण भूमिका खेल्दै आएको छ। भिमेश्वर नगरपालिका–२ का वडा अध्यक्ष स्टालिन श्रेष्ठले जात्राका क्रममा ऐतिहासिक टोलहरूमा परिक्रमा गरिने जानकारी दिँदै जात्रालाई व्यवस्थित र सुरक्षित बनाउन वडा कार्यालयले आवश्यक तयारी अघि बढाएको बताउनुभयो। त्यस्तै, पिङ्गल गुठीयार राकेश…

अभयपुरका हाँस्य कलाकार नौराज प्रधान र प्रेमकृष्ण श्रेष्ठ : संस्कृति, अभिनय र समाजसेवाका दुई जीवन्त पात्र। लेखक : महेन्द्र श्रेष्ठ दोलखाको ऐतिहासिक तथा सांस्कृतिक शहर अभयपुर केवल मन्दिर, जात्रा, पर्व, गुठी र पुराना बस्तीका कारण मात्र परिचित छैन। यहाँको सामाजिक तथा सांस्कृतिक जीवनलाई पुस्तौँदेखि आफ्नो कला, सिर्जनशीलता, अभिनय र हास्यव्यङ्ग्यमार्फत जीवन्त बनाउँदै आएका स्थानीय प्रतिभाहरूको योगदान पनि उत्तिकै महत्वपूर्ण छ। अभयपुरका गल्ली, चोक र जात्रामा फैलिने हाँसोभित्र यहाँको इतिहास, संस्कार, सामाजिक जीवन र मौलिक संस्कृति लुकेको पाइन्छ। यिनै स्थानीय सांस्कृतिक प्रतिभामध्ये नौराज प्रधान र प्रेमकृष्ण श्रेष्ठ अभयपुरवासीका लागि परिचित, आत्मीय र बहुआयामिक व्यक्तित्व हुनुहुन्छ। समाजसेवा, सार्वजनिक जीवन र सामाजिक गतिविधिसँग…

महिला तथा बालबालिकाविरुद्ध हिंसामा शून्य सहनशीलताको माग। सिन्धुली । संवाददाता — महिला तथा बालबालिकामाथि हुने हिंसा, बलात्कार र हत्याका घटनाप्रति गम्भीर ध्यानाकर्षण जनाउँदै सिन्धुलीमा क्रियाशील विभिन्न महिला संघसंस्थाहरूले सरकारसमक्ष सातबुँदे मागसहितको ज्ञापनपत्र बुझाएका छन्। जिल्ला प्रशासन कार्यालय सिन्धुलीमार्फत गृह मन्त्रालयसमक्ष बुझाइएको ज्ञापनपत्रमा महिला तथा बालबालिकाको सुरक्षा, सम्मानपूर्वक बाँच्न पाउने अधिकार सुनिश्चित गर्न, हिंसा तथा बलात्कारका घटनामा शून्य सहनशीलताको नीति प्रभावकारी रूपमा कार्यान्वयन गर्न र दोषीलाई कडा कानुनी कारबाही गर्न माग गरिएको छ। त्यसैगरी पीडितको तत्काल उद्धार, सुरक्षा, उपचार, मनोसामाजिक परामर्श तथा कानुनी सहायता उपलब्ध गराउन, अनुसन्धान र न्याय प्रक्रिया छिटो, निष्पक्ष तथा पारदर्शी बनाउन तथा महिला र बालबालिकाको सुरक्षाका लागि…