भीमेश्वर–२ मा धान रोपाइँ सुरु, हिलोमा रमाउँदै किसान र युवापुस्ता महेन्द्र श्रेष्ठ शंखध्वनि अनलाइन दोलखा । असार २ गतेसँगै दोलखाको भीमेश्वर नगरपालिका–२ मा यस वर्षको धान रोपाइँ सुरु भएको छ। खेतका गरामा किसान, युवा तथा स्थानीयवासी हिलोमा रमाउँदै धान रोपाइँमा जुटेका छन्। रोपाइँका क्रममा हिलोमा खेल्दै, साथीभाइसँग रमाउँदै, गीत गाउँदै र हाँस्दै स्थानीयहरूले असारे खेतीको परम्परागत उत्सवको आनन्द लिएका छन्। असार महिना नेपाली कृषकका लागि विशेष महत्व बोकेको समय भएकाले गाउँभरि उत्साहपूर्ण वातावरण देखिएको छ। स्थानीय किसानहरूका अनुसार समयमै वर्षा भएकाले यस वर्षको रोपाइँ कार्य सहज रूपमा अघि बढिरहेको छ। धान खेती ग्रामीण अर्थतन्त्रको मुख्य आधार भएकाले किसानहरू बिहानदेखि साँझसम्म…
