स्व. कुलमणी आचार्यको सम्झनामा रेडक्रस सिन्धुलीको श्रद्धाञ्जली सभा।

स्व. कुलमणी आचार्यको सम्झनामा रेडक्रस सिन्धुलीको श्रद्धाञ्जली सभा। महेन्द्र श्रेष्ठ / दाेलखा सिन्धुली । नेपाल रेडक्रस सोसाइटी सिन्धुली जिल्ला शाखाका पूर्व सभापति एवं शैक्षिक व्यक्तित्व स्वर्गीय कुलमणी आचार्यको १३औँ पुण्यतिथिको अवसरमा श्रद्धाञ्जली तथा शोकसभा कार्यक्रम आयोजना गरिएको छ। नेपाल रेडक्रस सोसाइटी सिन्धुली जिल्ला शाखाका वर्तमान सभापति अशोक श्रेष्ठको संयोजकत्वमा आयोजित कार्यक्रममा स्वर्गीय आचार्यप्रति भावपूर्ण श्रद्धाञ्जली अर्पण गर्दै उहाँले समाज, शिक्षा क्षेत्र तथा मानवीय सेवामा पुर्‍याउनुभएको योगदानको स्मरण गरिएको थियो। शोकसभामा वर्तमान सभापति अशोक श्रेष्ठले स्वर्गीय आचार्यको जीवनयात्रा, व्यक्तित्व र योगदानबारे प्रकाश पार्नुभएको थियो। उहाँले आचार्यले रेडक्रस अभियानमा निर्वाह गर्नुभएको भूमिका तथा संस्थाको विकासका लागि पुर्‍याउनुभएको योगदानको चर्चा गर्दै उहाँको निधनले…

दसैँ सकिएको दुई दिनमै भारी वर्षाको पूर्वानुमान, किसानलाई धानबाली जोगाउने चिन्ता महेन्द्र श्रेष्ठ शंख ध्वनि अनलाइन नेपालीहरूको महान् पर्व बडादसैँ सकिएको बल्ल दुई दिन भएको छ। दसैँको टीका, जमरा र पारिवारिक भेटघाटको रमझमबाट विस्तारै दैनिकीमा फर्किरहेका नेपाली किसानहरूलाई यतिबेला मौसमको चिन्ताले सताउन थालेको छ। खेतमा पाकेर काट्न तयार भएको धानबाली भित्र्याउने समयमा भारी वर्षाको सम्भावना देखिएपछि किसानहरू चिन्तित बनेका छन्। कतिपय खेतमा धान पहेँलिँदै पाक्न थालेको छ भने कतिपय खेतमा अझै धान हरियै छ। यस्तो अवस्थामा भारी वर्षा भएमा धानबालीमा क्षति पुग्न सक्ने चिन्ताले किसानहरूलाई पिरोलेको छ। पाकेको धान काटेर सुरक्षित ठाउँमा राख्नुपर्ने चटारो एकातिर छ भने हरियो धान पाक्न…

कोजाग्रत पूर्णिमासँगै बडादसैँ समापन हुँदै, आज महालक्ष्मीको विशेष पूजा महेन्द्र श्रेष्ठ शंख ध्वनि अनलाइन दाेलखा/ नेपालीहरूको प्रमुख पर्व बडादसैँ आज कोजाग्रत पूर्णिमासँगै समापन हुँदैछ। आश्विन शुक्ल प्रतिपदादेखि सुरु भएको दुर्गा पक्षको अन्तिम दिन आज साँझ धन, ऐश्वर्य र समृद्धिकी देवी महालक्ष्मीको पूजा आराधना गरी रातभर जाग्राम बस्ने धार्मिक परम्परा छ। कोजाग्रत पूर्णिमाका अवसरमा घरघरमा महालक्ष्मीको पूजा गरी सुख, शान्ति र समृद्धिको कामना गरिन्छ। धार्मिक मान्यताअनुसार यस रात जाग्राम बसेका भक्तजनका घरमा महालक्ष्मीको कृपा प्राप्त हुने र धनधान्यले सम्पन्न हुने विश्वास छ। नेपाल पञ्चाङ्ग निर्णायक विकास समितिका अनुसार आज शास्त्रीय विधिअनुसार गरिने बलिपूर्तिको प्रक्रिया पनि पूरा हुन्छ। यससँगै विजयादशमीदेखि सुरु भएको…

दोलखाको नेवारी भाषामा विद्यावारिधि गर्नुभएकी प्रा. डा. क्यारोल जिनेटी सम्मानित। महेन्द्र श्रेष्ठ शंख ध्वनि अनलाइन दोलखा । दोलखाको मौलिक नेवारी भाषामा विद्यावारिधि (पीएचडी) गर्नुभएकी प्रा. डा. क्यारोल जिनेटीलाई सम्मान गरिएको छ। दोलखा भाषाको अध्ययन तथा अनुसन्धानमा महत्वपूर्ण योगदान पुर्‍याउनुभएकी जिनेटीलाई भीमेश्वर नगरपालिकाका प्रमुख ईश्वरनारायण मानन्धर र भीमेश्वर नगरपालिका–२ का वडाध्यक्ष स्टालिन श्रेष्ठले खादा ओढाएर सम्मान गर्नुभएको हो। दोलखाको नेवारी भाषामा विद्यावारिधि गर्नुभएकी जिनेटीले यस भाषाको अध्ययन, अध्यापन र अनुसन्धानलाई विभिन्न विश्वविद्यालयसम्म पुर्‍याउन महत्वपूर्ण भूमिका निर्वाह गर्नुभएको छ। उहाँको शैक्षिक योगदानले दोलखाको मौलिक भाषा, साहित्य र संस्कृतिलाई अन्तर्राष्ट्रिय शैक्षिक तथा अनुसन्धानको क्षेत्रमा चिनाउन सहयोग पुगेको मानिन्छ।   स्थानीय भाषा र संस्कृतिको…

अनेरास्ववियुको केन्द्रीय सदस्य तथा दोलखा इन्चार्जमा रामचन्द्र केसी मनोनीत। शंख ध्वनि अनलाइन दोलखा । विद्यार्थी राजनीतिसँगै सामाजिक सेवामा समेत सक्रिय युवा नेता रामचन्द्र केसी अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को केन्द्रीय सदस्य तथा दोलखा जिल्ला इन्चार्जमा मनोनीत भएका छन्। अनेरास्ववियु दोलखाको अध्यक्षका रूपमा जिम्मेवारी निर्वाह गर्दै आएका केसीलाई सङ्गठनको केन्द्रीय कमिटीमा समेट्दै जिल्लाको इन्चार्जको जिम्मेवारीसमेत प्रदान गरिएको हो। विद्यार्थी सङ्गठनलाई जिल्लामा थप सुदृढ बनाउन, विद्यालय तथा क्याम्पसमा सङ्गठनात्मक गतिविधि विस्तार गर्न र विद्यार्थीका शैक्षिक अधिकार एवं हकहितका सवालमा आवाज उठाउन केसी सक्रिय रहँदै आएका छन्। विद्यार्थी राजनीतिसँगै सामाजिक क्षेत्रमा समेत क्रियाशील उनले युवाहरूलाई सङ्गठित गर्ने र सामाजिक गतिविधिमा…

दोलखामा खड्ग जात्रा उत्साहका साथ सम्पन्न। महेन्द्र श्रेष्ठ / दोलखा दोलखा। ऐतिहासिक नगरी दोलखामा विजयादशमीको भोलिपल्ट मनाइने परम्परागत खड्ग जात्रा उत्साहका साथ सम्पन्न भएको छ। धार्मिक आस्था, ऐतिहासिक महत्त्व र नेवार समुदायको मौलिक संस्कृतिसँग जोडिएको यस जात्राले दोलखाको सांस्कृतिक पहिचानलाई जीवन्त बनाएको छ। खड्ग जात्रा दोलखाको पुरानो धार्मिक तथा सांस्कृतिक परम्परामध्ये एक हो। जात्राका क्रममा परम्परागत वेशभूषामा सजिएका खड्गधारीहरूले हातमा खड्ग (तरबार) लिएर विभिन्न टोल तथा धार्मिक स्थलमा नृत्य प्रस्तुत गरेका थिए। परम्परागत बाजागाजासहित प्रस्तुत गरिने खड्ग नृत्यले जात्राको रौनक बढाएको थियो। स्थानीय धार्मिक मान्यताअनुसार खड्ग जात्रालाई असत्यमाथि सत्य र अधर्ममाथि धर्मको विजयको प्रतीकका रूपमा लिने गरिन्छ। जात्रासँग जोडिएका धार्मिक…

फूलपातीका दिन भीमेश्वर मन्दिरमा २८४ बोका र २४२ भालेको बलि पूजा। महेन्द्र श्रेष्ठ / दोलखा दोलखा । ऐतिहासिक तथा धार्मिक महत्त्व बोकेको दोलखाको प्रसिद्ध भीमेश्वर मन्दिरमा विजयादशमीअन्तर्गत फूलपातीका दिन भक्तजनको उल्लेख्य उपस्थिति रहेको छ। फूलपातीको अवसरमा मन्दिरमा बोका र भालेको बलि पूजा गर्ने भक्तजनको घुइँचो लागेको थियो। भीमेश्वर नगरपालिका वडा नम्बर २ का वडाध्यक्ष स्टालिन श्रेष्ठका अनुसार आज दिउँसो १ बजेसम्म मन्दिरमा २८४ वटा बोका र २४२ वटा भाले गरी कुल ५२६ वटा बलि पूजा गरिएको छ। दोलखा जिल्लाका विभिन्न स्थानका साथै आसपासका क्षेत्रबाट समेत भक्तजन तथा दर्शनार्थीहरू भीमेश्वर मन्दिरमा दर्शन र पूजाआजाका लागि आएका थिए। फूलपातीको दिन मन्दिर परिसरमा…

चरिकोटस्थित एमाले पार्टी कार्यालयमा चियापान, दलहरूबीच सद्भाव र एकताको सन्देश। महेन्द्र श्रेष्ठ / दोलखा। नेपालीहरूको महान् चाड विजयादशमी, शुभ दीपावली तथा छठ पर्व २०८३ को अवसरमा नेकपा एमाले जिल्ला कमिटी दोलखाले चरिकोटस्थित पार्टी कार्यालयमा चियापान तथा शुभकामना आदानप्रदान कार्यक्रम सम्पन्न गरेको छ। विभिन्न राजनीतिक दलका नेता, जनप्रतिनिधि, सामाजिक व्यक्तित्व तथा पार्टीका नेता–कार्यकर्ताहरूको सहभागितामा सम्पन्न कार्यक्रममा चाडपर्वको खुसी साटासाट गर्नुका साथै आपसी सद्भाव, एकता र सहकार्यको भावना अभिव्यक्त गरिएको थियो। कार्यक्रममा नेकपा एमालेका पोलिटब्युरो सदस्य तथा दोलखा जिल्ला इन्चार्ज पार्वत गुरुङ, बागमती प्रदेश सरकारका भौतिक पूर्वाधारमन्त्री भरतबहादुर केसी, एमाले केन्द्रीय सदस्य डबल पाण्डे, जिल्ला उपाध्यक्ष राजेन्द्र मानन्धर, भीमेश्वर नगरपालिकाकी उपप्रमुख कमला…

पत्रकारिताबाट राष्ट्रिय राजनीतिसम्मको यात्रा, दोलखाका लागि गौरव! महेन्द्र श्रेष्ठ नेपाली कांग्रेसको १५औँ महाधिवेशनबाट खुला कोटामा लोकप्रिय मतसहित सहमहामन्त्री पदमा निर्वाचित हुनुभएका दोलखाका नेता अजयबाबु शिवाकोटीलाई हार्दिक बधाई तथा सफल कार्यकालको शुभकामना। पत्रकारितामार्फत समाजका आवाज उठाउँदै, जनताका समस्या उजागर गर्दै र लोकतन्त्र, प्रेस स्वतन्त्रता तथा सुशासनका पक्षमा कलम चलाउँदै आउनुभएका शिवाकोटीको राजनीतिक यात्रा पत्रकारिता क्षेत्रका लागि पनि चासो र चर्चाको विषय बनेको छ। पत्रकारिता केवल समाचार सम्प्रेषण गर्ने माध्यम मात्र होइन, समाजलाई सही दिशा देखाउने, सत्तालाई खबरदारी गर्ने र नागरिकका आवाजलाई सम्बन्धित निकायसम्म पुर्‍याउने महत्त्वपूर्ण जिम्मेवारी पनि हो। यही क्षेत्रमा हासिल गरेको अनुभव, जनसम्पर्क र सार्वजनिक मुद्दाप्रतिको बुझाइलाई उहाँले सक्रिय राजनीतिमा…

चुनावमा चर्को मुद्दा बनेको खरीढुङ्गा म्याग्नेसाइट : सरकार फेरियो, उद्योगको अवस्था फेरिएन! भीमेश्वर नगरपालिका–७ का वडाध्यक्षको गुनासो : चुनावमा आलोचना गर्नेहरू सत्तामा पुगेपछि उद्योग हेर्नसमेत पुगेनन् महेन्द्र श्रेष्ठ / दोलखा प्रधान सम्पादक दोलखाको/ खरीढुङ्गामा रहेको म्याग्नेसाइट खानी र त्यससँग सम्बन्धित नेपाल ओरियन्ट म्याग्नेसाइट उद्योग नेपालको औद्योगिक विकासको सम्भावना, सरकारी उदासीनता र राजनीतिक प्रतिबद्धताबीचको अन्तर देखाउने एउटा उदाहरण बनेको छ। कुनै समय मुलुकको खनिजमा आधारित औद्योगिकीकरणको महत्त्वाकाङ्क्षी योजनाका रूपमा अघि बढाइएको यो परियोजना अहिले पनि पुनः सञ्चालनको प्रतीक्षामा छ। चुनावका बेला यही उद्योग राजनीतिक दलहरूको आलोचना गर्ने एउटा महत्त्वपूर्ण मुद्दा बन्दै आएको छ। पुराना दलहरूको असफलता र अकर्मण्यताको उदाहरणका रूपमा प्रस्तुत…