दोलखाका ९ स्थानीय तहमा ११ करोडभन्दा बढी बेरुजु आर्थिक अनुशासन कमजोर, पारदर्शितामाथि प्रश्न ?

दोलखाका ९ स्थानीय तहमा ११ करोडभन्दा बढी बेरुजु आर्थिक अनुशासन कमजोर, पारदर्शितामाथि प्रश्न ? महेन्द्र श्रेष्ठ दोलखा जिल्लाका ९ वटै स्थानीय तहमा ११ करोडभन्दा बढी बेरुजु देखिएको छ । महालेखा परीक्षकको पछिल्लो प्रतिवेदनले सार्वजनिक गरेको तथ्यांकअनुसार स्थानीय तहहरूमा आर्थिक अनुशासन, योजना कार्यान्वयन, खर्च व्यवस्थापन तथा लेखा प्रणालीमा विभिन्न कमजोरी देखिएको हो । प्रतिवेदनअनुसार कानुनी प्रक्रिया पूरा नगरी खर्च गर्ने, आवश्यक कागजात संलग्न नगर्ने, सम्झौताअनुसार काम सम्पन्न नगरी भुक्तानी दिने, खरिद प्रक्रिया पारदर्शी नबनाउने तथा अनुगमन प्रभावकारी रूपमा नगरेका कारण बेरुजु रकम बढ्दै गएको देखिएको छ । स्थानीय तहमा विकास निर्माणका नाममा हरेक वर्ष करोडौँ रुपैयाँ बजेट खर्च हुने गरे पनि…

मेहनत र कार्यक्षमताको सम्मान : शिक्षिका रत्नकुमारी जोशी प्रथम श्रेणीमा बढुवा, विद्यालयद्वारा सम्मान महेन्द्र श्रेष्ठ दोलखा विद्यालयकी लगनशील, मेहनती तथा कर्तव्यनिष्ठ शिक्षिका श्री रत्नकुमारी जोशी कार्यक्षमताको आधारमा प्राथमिक तह प्रथम श्रेणीमा बढुवा हुनुभएको अवसरमा विद्यालय परिवारले विशेष सम्मान गर्दै हार्दिक बधाई तथा शुभकामना व्यक्त गरेको छ। लामो समयदेखि शिक्षण पेशामा समर्पित रहँदै आउनुभएकी जोशीले विद्यार्थीहरूको शैक्षिक, नैतिक तथा व्यवहारिक विकासमा महत्वपूर्ण योगदान पुर्‍याउँदै आउनुभएको विद्यालयले जनाएको छ।  उहाँ विद्यालयमा अनुशासनप्रिय, जिम्मेवार, सिर्जनशील तथा विद्यार्थीमैत्री शिक्षिकाका रूपमा परिचित हुनुहुन्छ। दैनिक पठनपाठनलाई प्रभावकारी बनाउने, विद्यार्थीहरूमा सकारात्मक सोच र आत्मविश्वास विकास गराउने तथा विद्यालयको समग्र शैक्षिक वातावरण सुधारमा उहाँको भूमिका उल्लेखनीय रहेको बताइएको…

भरोसाको केन्द्र बन्दै दिनेश पाठक प्यानल दोलखा उद्योग वाणिज्य संघको निर्वाचनमा अनुभवी र सक्रिय टोली  मैदानमा महेन्द्र श्रेष्ठ दोलखा, चरिकोट । दोलखा उद्योग वाणिज्य संघको आगामी निर्वाचनका लागि दिनेश पाठक नेतृत्वको प्यानलसहित विभिन्न पदका उम्मेदवारहरूको अन्तिम नामावली सार्वजनिक गरिएको छ। निर्वाचन उप–समितिले दाबी–विरोधमाथिको छलफल तथा निर्णयपछि अन्तिम उम्मेदवार सूची प्रकाशन गरेको जनाएको हो। अध्यक्ष पदमा व्यवसायी दिनेश पाठकले उम्मेदवारी दिएका छन् भने उहाँसँग प्रतिस्पर्धामा सन्तन थापा रहेका छन्। व्यवसायीहरूको हकहित, संस्थागत सुदृढीकरण तथा जिल्लाको व्यापार–व्यवसाय प्रवर्द्धनलाई मुख्य एजेन्डा बनाउँदै पाठक नेतृत्वको टिम चुनावी मैदानमा उत्रिएको छ। दिनेश पाठक प्यानलबाट वरिष्ठ उपाध्यक्षमा विमल श्रेष्ठ, उपाध्यक्षमा बलराम थापा, महिला उपाध्यक्षमा कल्याणी श्रेष्ठ,…

भिम माध्यमिक विद्यालय मा उत्कृष्ट एसईई नतिजा, दुई विद्यार्थीले ल्याए A+ महेन्द्र श्रेष्ठ दोलखा । अभयपुर शहर, दोलखामा रहेको जिल्लाकै दोस्रो पुरानो शैक्षिक संस्था भिम माध्यमिक विद्यालय ले यस वर्षको माध्यमिक शिक्षा परीक्षा (एसईई) मा उत्कृष्ट नतिजा हासिल गरेको छ। विद्यालयले दुई जना विद्यार्थीलाई A+ ग्रेडसहित समग्रमा ८४.८४ प्रतिशत विद्यार्थी उत्तीर्ण गराउन सफल भएको हो। विद्यालयको यस उपलब्धिप्रति शिक्षक, अभिभावक तथा स्थानीय समुदायले खुशी व्यक्त गरेका छन्। गुणस्तरीय शिक्षामा निरन्तर जोड दिँदै आएको विद्यालयले सीमित स्रोत–साधनका बीच पनि उत्कृष्ट नतिजा निकाल्न सफल भएको विद्यालय प्रशासनले जनाएको छ। विद्यालयका प्रधानाध्यापकका अनुसार विद्यार्थीहरूको नियमित अध्ययन, अतिरिक्त कक्षा सञ्चालन, शिक्षकहरूको मेहनत तथा अभिभावकसँगको…

द्वाल्ख भाषाको नाटक “मिसामी” प्रदर्शन, दर्शक भावुक बने। महेन्द्र श्रेष्ठ काठमाडौं । दोलखाको मौलिक भाषा, संस्कृति, परम्परा र पहिचानलाई संरक्षण तथा प्रवर्द्धन गर्ने उद्देश्यले द्वाल्ख भाषाको नाटक “मिसामी” काठमाडौंस्थित Rising Mall को सिनेमा हलमा भव्य रूपमा प्रदर्शन गरिएको छ। प्रज्ञा–तुलसी दिवसको अवसर उक्त कार्यक्रममा दोलखा तथा राजधानीका विभिन्न क्षेत्रबाट उल्लेख्य दर्शक सहभागिता रहेको थियो। कार्यक्रममा भाषाविद् प्रा. डा. दानराज रेग्मी, इतिहासकार टेकबहादुर श्रेष्ठ, नेवारी संस्कृतिविद् प्रा. डा. चुन्डा बज्राचार्य, पूर्व उपकुलपति शिलु बज्राचार्य तथा नेवा देय दबूका निवर्तमान अध्यक्ष पवित्र बज्राचार्य को प्रमुख आतिथ्यता रहेको थियो। अतिथिहरूले दोलखाको भाषा र संस्कृतिलाई जोगाइराख्न यस्ता सिर्जनात्मक अभियान आवश्यक रहेको धारणा व्यक्त गरेका…

आशा बोकेर नेतृत्वको यात्रामा अध्यक्षका उम्मेदवार दिनेश पाठक। महेन्द्र श्रेष्ठ दोलखाको/ व्यापारिक क्षेत्र फेरि एकपटक नयाँ मोडमा उभिएको छ । उद्योग, व्यापार र उद्यमको भविष्य कसले सम्हाल्ने भन्ने बहस सुरु भएसँगै अहिले व्यवसायीहरूबीच एउटा नाम निकै चर्चामा छ — दिनेश पाठक ।  वर्षौंदेखि व्यवसायीहरूको सुख–दुःखमा साथ दिँदै सङ्घको यात्रासँग जोडिनुभएका पाठक अब दोलखा उद्योग वाणिज्य सङ्घको अध्यक्ष पदका लागि मैदानमा उत्रिनुभएको छ । उहाँको उम्मेद्वारी केवल पद प्राप्तिको चाहना होइन, निराश बन्दै गएको व्यापारिक क्षेत्रलाई फेरि उठाउने, व्यवसायीहरूमा हराउँदै गएको आत्मविश्वास फर्काउने र बजारमा नयाँ आशा जगाउने प्रयासका रूपमा हेरिएको छ । पछिल्ला केही वर्ष दोलखाको व्यापारिक क्षेत्रले असाध्यै कठिन…

नेवारी भाषाको पहिलो नाटक ‘मिसामी’ काठमाडौंमा प्रदर्शन हुँदै काठमाडौं ।  प्राचीन शहर दोलखाको भाषा, साहित्य, रीतिरिवाज तथा सांस्कृतिक परम्परालाई उजागर गर्ने उद्देश्यले दोलखा नेवारी भाषाको पहिलो नाटक ‘मिसामी’ काठमाडौंमा प्रदर्शन हुने भएको छ। कालिन्चोक युवा क्लबको आयोजनामा वृत्तचित्र (डकुमेन्ट्री) सहित नाटक प्रदर्शन गर्न लागिएको आयोजकले जनाएको छ। कार्यक्रममा दोलखाको भाषा, संस्कृति र परम्परासम्बन्धी विशेष प्रस्तुति समेत रहने बताइएको छ। नाटक प्रदर्शन यही वैशाख २७ गते आइतबार काठमाडौंस्थित QFX सिनेमा, राइजिङ मल, दोस्रो तल्ला, हल नं.–१ दरबारमार्गमा हुने तय गरिएको छ। कार्यक्रम बिहान ११ः३० बजेदेखि सुरु हुनेछ। कार्यक्रमको सह–आयोजकमा द्रालखा गुठी, द्रालखा न्यासमुचा खलक तथा सम्पूर्ण दोलखाली संघसंस्थाहरू रहेका छन्। आयोजकले…

जीवन चक्रमा आधारित सामुदायिक स्वास्थ्य कार्यक्रम: सिकाइ साझा गोष्ठी सम्पन्न महेन्द्र श्रेष्ठ दोलखा — जीवन चक्रमा आधारित सामुदायिक स्वास्थ्य कार्यक्रमअन्तर्गत प्राप्त अनुभव, उपलब्धि र चुनौतीहरूलाई समेट्दै सिकाइहरू आदान–प्रदान गर्ने उद्देश्यले दोलखामा एक विस्तृत गोष्ठी सम्पन्न भएको छ। स्थानीय तहका जनप्रतिनिधि, स्वास्थ्यकर्मी, महिला स्वास्थ्य स्वयंसेविका, विभिन्न संघ–संस्थाका प्रतिनिधि तथा समुदायका अगुवाहरूको उल्लेखनीय सहभागितामा कार्यक्रम आयोजना गरिएको थियो। गोष्ठीमा कार्यक्रम कार्यान्वयनका क्रममा हासिल भएका उपलब्धिहरू प्रस्तुत गरिएका थिए। सहभागीहरूले समुदायमा स्वास्थ्य सेवाप्रति पहुँच विस्तार हुनुका साथै जनचेतनामा आएको सकारात्मक परिवर्तनलाई महत्वपूर्ण उपलब्धिको रूपमा व्याख्या गरेका छन्।  विशेषगरी मातृ तथा शिशु स्वास्थ्य सुधार, पोषणसम्बन्धी सचेतना, सरसफाइ अभ्यास तथा रोग रोकथामका क्षेत्रमा कार्यक्रमले प्रभावकारी…

दोलखा— ऐतिहासिक तथा धार्मिक दृष्टिले अत्यन्त महत्वपूर्ण भीमेश्वर मन्दिर परिसरको संरक्षण, व्यवस्थापन र दीर्घकालीन समग्र विकासका लागि गुरुयोजना निर्माण प्रक्रिया औपचारिक रूपमा अघि बढाइएको छ। प्रदेश सरकारको महत्वाकांक्षी “शिव सर्किट परियोजना” अन्तर्गत सञ्चालन हुन लागेको बहुवर्षीय कार्यक्रमको सन्दर्भमा बिहीबार सम्पन्न सरोकारवालाहरूको बैठकले यस दिशामा महत्वपूर्ण निर्णयहरू गरेको हो। भीमेश्वर गुठी व्यवस्थापन समितिको आयोजनामा सम्पन्न उक्त बैठकमा मन्दिर परिसरको वर्तमान अवस्था, यसको ऐतिहासिक, धार्मिक तथा पर्यटकीय महत्व, र दीर्घकालीन विकासका सम्भावनाबारे विस्तृत छलफल गरिएको थियो।  सहभागीहरूले मन्दिर क्षेत्रको व्यवस्थित संरक्षणसँगै आधुनिक आवश्यकताअनुसार पूर्वाधार विकास, सौन्दर्यीकरण तथा पर्यटकमैत्री वातावरण निर्माण अपरिहार्य भएकोमा जोड दिएका थिए। (more…)

नेपाल कम्युनिस्ट पार्टीको ७७औँ स्थापना दिवस भव्य रूपमा मनाइयो दोलखा — नेपाल कम्युनिस्ट पार्टीको ७७औँ स्थापना दिवस देशभर उत्साहका साथ मनाइँदै गर्दा दोलखामा पनि विभिन्न कार्यक्रमहरू आयोजना गरी भव्य रूपमा मनाइएको छ।  जिल्लाका शैलुङ, जिरी, भीमेश्वर लगायतका विभिन्न स्थानीय तहहरूमा पार्टीका नेता, कार्यकर्ता, शुभेच्छुक तथा सर्वसाधारणको उल्लेख्य सहभागितामा दिवस विशेष कार्यक्रम सम्पन्न भएका हुन्। दिवसको अवसरमा आयोजित मूल समारोहमा सहिदहरूप्रति श्रद्धाञ्जली अर्पण गर्दै पार्टी स्थापनाको ऐतिहासिक पृष्ठभूमि, संघर्षका चरणहरू र वर्तमान अवस्थाबारे विस्तृत चर्चा गरिएको थियो। वक्ताहरूले ७७ वर्ष लामो कम्युनिस्ट आन्दोलनले देशमा राजनीतिक परिवर्तन, जनअधिकारको सुनिश्चितता, सामाजिक न्याय र समानताको आधार निर्माणमा खेलेको महत्वपूर्ण भूमिकालाई स्मरण गरेका थिए। उनीहरूले…