नेपालीहरूको महान् पर्व तिहार, नेपाल संवत् १४४६ तथा छठ पर्व २०८२ को अवसरमा “भेटघाट तथा चियापान कार्यक्रम” भव्य रूपमा सम्पन्न

दोलखा / चरिकोट – बागमती प्रदेशका वन तथा वातावरण मन्त्री भरत बहादुर केसीको आयोजनामा नेपालीहरूको महान् पर्व तिहार, नेपाल संवत् १४४६ तथा छठ पर्व २०८२ को अवसरमा “भेटघाट तथा चियापान कार्यक्रम” दोलखाको चरिकोटस्थित होटल दरबारमा भव्य रूपमा सम्पन्न भएको छ। कार्यक्रममा विभिन्न राजनीतिक दलका प्रतिनिधिहरू, स्थानीय जनप्रतिनिधि, समाजसेवी, उद्योगी–व्यवसायी, पत्रकार तथा बुद्धिजीवी वर्गको उल्लेखनीय उपस्थिति रहेको थियो। सहभागीहरूले आपसी सद्भाव, मेलमिलाप र भाईचारा सुदृढ पार्न यस्ता कार्यक्रमहरू निकै उपयोगी हुने बताएका थिए।   मन्त्री भरत बहादुर केसीले कार्यक्रममा बोल्दै नेपालको सांस्कृतिक, धार्मिक र सामाजिक विविधता नै हाम्रो शक्ति भएको बताउनुभयो। उहाँले तिहार, नेपाल संवत् र छठ पर्वले सम्पूर्ण नेपालीबीच प्रेम,…

दोलखा / भीमेश्वर — महेन्द्र श्रेष्ठ नेपालीहरूको दोस्रो महान् पर्व तिहार (दीपावली) तथा छठ पर्वको अवसरमा भीमेश्वर नगरपालिका उप–प्रमुख कमला बस्नेतको आयोजनामा भेटघाट तथा चियापान कार्यक्रम भव्य रूपमा सम्पन्न भएको छ। कार्यक्रम दोलखा जिल्लाको चरिकोटस्थित होटल लक्ष्मी लजमा हर्ष, उल्लास र सौहार्दपूर्ण वातावरणमा सम्पन्न भएको हो। उक्त कार्यक्रममा बागमती प्रदेशका वन तथा वातावरण मन्त्री भरत बहादुर केसी, भीमेश्वर नगरपालिकाका प्रमुख, जिल्ला प्रशासन कार्यालयका प्रमुख जिल्ला अधिकारी, नेकपा (एमाले) जिल्ला पार्टी प्रमुख, नेपाली काँग्रेसका प्रतिनिधि, साथै जिल्लास्थित विभिन्न संघ–संस्था, सहकारी, पत्रकार, व्यापारी, बुद्धिजीवी र कर्मचारी वर्गको उल्लेखनीय उपस्थिति रहेको थियो। कार्यक्रममा उपस्थित अतिथिहरूले तिहार र छठ पर्वले नेपाली समाजमा आपसी मेलमिलाप,…

दोलखा / भीमेश्वर – २०८२ जिल्ला प्रहरी कार्यालय दोलखाको आयोजनामा ७० औं प्रहरी दिवस भव्य रूपमा मनाइयो। “नागरिक प्रहरी सहकार्य, सुरक्षाको लागि अपरिहार्य” भन्ने नारासहित सम्पन्न कार्यक्रममा समाजसेवा, अनुशासन र सुरक्षामा प्रहरीको योगदानलाई उच्च सम्मानका साथ प्रस्तुत गरिएको थियो। कार्यक्रममा ३ जनालाई अमर प्रहरी परिवार सम्मान, २ जना पूर्व जेष्ठ प्रहरीलाई विशेष सम्मान, १७ जनालाई कदरपत्र र १५ जनालाई प्रहरी पुरस्कार प्रदान गरिएको थियो। यी सम्मानहरूले प्रहरी सेवामा समर्पण, इमानदारी र जिम्मेवारीका उदाहरणहरूलाई सम्मान गरिएको आयोजकले जानकारी दिएको छ। प्रहरी दिवसको अवसरमा जिल्ला प्रहरी कार्यालय दोलखाले विभिन्न सामाजिक सेवा कार्यक्रमहरू पनि सञ्चालन गरेको थियो। कार्यक्रममा रक्तदान कार्यक्रम, सफाइ अभियान, र…

भीमेश्वर नगरपालिकाकी उप–मेयर कमला बस्नेतद्वारा शुभ दीपावली तथा छठ पर्वको अवसरमा भेटघाट तथा चियापान कार्यक्रम दोलखाको भीमेश्वर नगरपालिकाकी उप–मेयर तथा नेकपा (एमाले) जिल्ला कमिटीकी सह–सचिव कमला बस्नेतले शुभ दीपावली तथा छठ पर्वको अवसरमा लक्ष्मी लज, चरिकोटमा विशेष भेटघाट तथा चियापान कार्यक्रम आयोजना गर्ने भएकी छन्। पर्वको शुभ सन्देशलाई साझा उत्सवका रूपमा मनाउने उद्देश्यले आयोजना गरिएको यस कार्यक्रममा विभिन्न राजनीतिक दलका प्रतिनिधिहरू, जनप्रतिनिधि, समाजसेवी, उद्योगी–व्यवसायी, सरकारी कार्यालयका प्रमुख, सञ्चारकर्मी र स्थानीय बासिन्दाहरूको उल्लेखनीय सहभागिता रहने अपेक्षा गरिएको छ। कार्यक्रमको तयारीबारे जानकारी दिँदै उप–मेयर बस्नेतले भनिन्, “दीपावली र छठ पर्वले उज्यालो, आशा र आस्थाको सन्देश दिन्छ। यी पर्वहरूले हाम्रो समाजमा सद्भाव, सहकार्य…

शनिवार, कार्तिक १ गते विहान ७:३० बजे पार्टी कार्यालयमा विशेष चियापान कार्यक्रम आयोजना गर्ने भएको छ। पार्टीभित्रको संगठनात्मक एकता, सहकार्य, सद्भाव र आपसी भेटघाटको भावना सुदृढ पार्ने उद्देश्यले यो कार्यक्रम तय गरिएको हो। कार्यक्रमको तयारीबारे जानकारी दिँदै भीमेश्वर नगर कमिटीका अध्यक्ष भोला खतीवडाले भन्नुभयो, “एमाले परिवारबीचको आपसी सम्बन्ध र एकतालाई थप सुदृढ बनाउँदै सबैलाई एउटै मंचमा ल्याउने हाम्रो उद्देश्य हो। यस कार्यक्रमले संगठनमा नयाँ ऊर्जा र प्रेरणा थप्ने विश्वास लिएको छ।” कार्यक्रममा नेकपा (एमाले) का विभिन्न तहका नेता–कार्यकर्ता, अन्य मुख्य राजनीतिक दलका प्रतिनिधिहरू, जिल्लास्तरीय सरकारी कार्यालयका प्रमुखहरू, जनप्रतिनिधि, समाजसेवी तथा शुभेच्छुकहरू सहभागी हुने अपेक्षा गरिएको छ। भीमेश्वर नगर कमिटीले यो…

महेन्द्र श्रेष्ठ दोलखा, २७ कात्तिक — दिपावली तथा नेपाल संवत् ११४६ र छठ पर्वलाई लक्षित गरी दोलखा जिल्ला प्रशासन कार्यालयले सुरक्षात्मक आदेश जारी गरेको छ। चाडपर्वको समयमा शान्ति, सुव्यवस्था र जनसुरक्षा कायम राख्न भन्दै प्रशासनले के गर्न पाइने र के नगर्नु भन्ने विषयमा विस्तृत सूचना सार्वजनिक गरेको हो। प्रमुख जिल्ला अधिकारी भोला दाहालले हस्ताक्षर गरेको सूचनामा दिपावलीका अवसरमा पटका, बम, आतसबाजी, फटाका, विस्फोटक पदार्थको उत्पादन, बिक्री वितरण र प्रयोग पूर्णरूपमा निषेध गरिएको उल्लेख छ। यस्ता वस्तु उत्पादन गर्ने, बिक्री गर्ने वा प्रयोग गर्ने पाइएमा कानुनी कारबाही गरिने चेतावनी प्रशासनले दिएको छ। त्यसैगरी, देउसी–भैलो खेल्ने कार्यलाई परम्परागत ढंगले मर्यादित रूपमा गर्न अनुरोध…

महेन्द्र श्रेष्ठ /काठमाडौं । “सुखमा होइन, दु:खमा मिल्ने सच्चा साथी हौं” भन्ने मूल नारासहित स्थापित वणारसी सहयोगी हातहरु संस्थाको १२औं वार्षिक साधारण सभा तथा ५औं अधिवेशन राजधानी काठमाडौंमा भव्यताका साथ सम्पन्न भएको छ। कार्यक्रममा संस्थाका पदाधिकारी, सदस्य, सल्लाहकार तथा शुभेच्छुकको उत्साहजनक उपस्थिति रहेको थियो। साधारण सभामा संस्थाले अघिल्ला वर्षका आर्थिक तथा कार्यक्रमगत प्रतिवेदन प्रस्तुत गर्दै वार्षिक समीक्षा र आगामी योजना प्रस्तुत गरेको थियो। त्यस अवसरमा अधिवेशनले सर्वसम्मत रूपमा नयाँ कार्यसमिति चयन गरेको छ। नव–निर्वाचित अध्यक्ष दिलिप श्रेष्ठको नेतृत्वमा गठन भएको नयाँ कार्यसमिति यस प्रकार रहेको छः नयाँ कार्यसमिति अध्यक्ष : दिलिप श्रेष्ठ उपाध्यक्ष : बाबाराजा श्रेष्ठ सचिव : रेणुका श्रेष्ठ…

डाेल्पा — कर्णाली प्रदेशअन्तर्गत डोल्पा जिल्लाको त्रिपुरासुन्दरी नगरपालिकाका लागि तयार गरिएको लोगो ‘उत्कृष्ट’ घोषित गरिएको छ। उक्त लोगो दोलखाका युवा कलाकार विरस म. द्वारा तयार गरिएको हो। नगरपालिकाले आयोजना गरेको लोगो प्रतियोगितामा सहभागी धेरै प्रस्तावमध्ये द्वाराले तयार पारेको लोगोलाई उत्कृष्ट ठहर गर्दै उनलाई रु २५,००० नगद पुरस्कार र सम्मानपत्र प्रदान गरिएको हो। नगरपालिकाका अनुसार लोगोले त्रिपुरासुन्दरी क्षेत्रको ऐतिहासिक, सांस्कृतिक र प्राकृतिक विशेषतालाई सशक्तरूपमा अभिव्यक्त गरेको छ। लोगोमा त्रिपुरासुन्दरीको धार्मिक पहिचान, पर्वतीय भौगोलिक स्वरूप, हरियाली वातावरण र स्थानीय जीवनशैलीलाई कलात्मक ढङ्गले समेटिएको बताइएको छ। विजेता कलाकार विरस म. द्वाराले आफ्नो सिर्जनालाई मान्यता दिइएकोमा नगरपालिकाप्रति आभार व्यक्त गर्दै यसले स्थानीय कला, संस्कृति…

दाेलखा, नेपाल — प्राचीन शहर दाेलखाको ऐतिहासिक बस्तीभित्र रहेको गीता श्रेष्ठको पुरानो घर आज पनि परम्परा र पहिचानको जीवित प्रतीक बनेर उभिएको छ। २०७२ सालको विनाशकारी भूकम्पले धेरै घर ध्वस्त पारे पनि यो घर अडिग रहन सफल भयो। यसको भारदलीमा अहिले पनि झुन्ड्याइएका मकैका झुप्पा गाउँको पुरातन जीवनशैली र कृषिप्रतिको आत्मनिर्भर संस्कृतिको झल्को दिन्छन्। श्रेष्ठका अनुसार मकै झुन्ड्याउने चलन केवल अन्न सुकाउने उपाय मात्र होइन, यो घरको सौन्दर्य र परम्परागत वास्तुकलाको हिस्सा पनि हो। “हाम्रा आमा-बुबाले जसरी मकै सुकाउँथे, हामी पनि त्यही विधि पछ्याउँछौं,” गीता श्रेष्ठ भन्छिन्, “यसले मकैलाई लामो समयसम्म सुरक्षित राख्न मद्दत गर्छ र स्वाद पनि अर्कै हुन्छ।”…